Иако денес сите зборуваат против белиот ориз, сутлијашот, познат и како сладок ориз варен во млеко, има долга традиција во многу култури низ светот, а е значаен и како дел од нашето детство. Речиси и нема човек кому овој десерт, со својата кремаста текстура и нежна арома, не му буди носталгични спомени од детството.

Но, прашањето што често се поставува е – дали сутлијашот е здрав?

Ако баш сакате да се раководите по модерните стандарди за здрава исхрана, секогаш можете да го замените белиот ориз со интегрален, кравјото млеко со растително, а шеќерот со некој поздрав засладувач.

Без разлика дали го правите со бел или интегрален ориз, со обично или растително млеко, сутлијашот нуди голем број здравствени придобивки, а најдобрата верзија, барем според нас, е токму онаа, класичната, како што го правеа нашите мајки и баби, бел ориз, млеко и шеќер.

Па токму таков е и нашиот рецепт:

Состојки:
1 литар млеко

300 мл вода
200 г ориз
50 г шеќер
1 ванилин шеќер
Цимет во прав за декорација

Приготвување:
Измијте го оризот и сварете го во 300 мл вода. Гответе на тивок оган додека водата не испари и оризот не омекне (околу 10-15 минути).

Потоа додавајте го млекото малку по малку и варете на тивок оган, мешајќи повремено. Оризот треба да го впие млекото, затоа бидете трпеливи.
За сутлијашот да биде кремаст, важно е да не го мешате премногу за време на готвењето. Прекумерното мешање може да создаде грутки и да ја направи смесата премногу густа.

Зошто сутлијашот е поздрав од купечките слатки

Сутлијашот не дебелее кога се консумира во мали количини. Исто така, ако не додадете шеќер во неговата подготовка, ќе добиете идеална ужина за кое било време од годината. Самиот ориз е заситувачка, здрава храна со низа добри хранливи материи.

Како и да е, во споредба со комерцијалните житарки кои имаат вишок шеќер и други состојки, сутлијашот е секогаш поздрав и похранлив оброк.

Тој ви нуди добар извор на јаглехидрати во зависност од тоа како го подготвувате. Можете целосно да го избегнете шеќерот и да го засладите овој прекрасен десерт со малку домашен џем или јаворов сируп.

Друга опција за засладување е да додадете мед или малку суво грозје кое претходно сте го натопиле во малку топло млеко. Така ќе имате уште повеќе хранливи материи и повеќе нема да бидете во искушение да додавате повеќе шеќер.

Кога станува збор за сутлијаш, можете да го зачинете со ванила, ова ќе ги задоволи сите љубители на слатки и повеќе нема да бидете во искушение да го засладувате повеќе отколку што е потребно.

Можете исто така да користите бадемово, оризово или соино млеко за да додадете малку повеќе разновидност во вашата исхрана од нутритивна гледна точка.

Сутлијашот е евтин и брз десерт кој некогаш често се наоѓал на трпезата. Без разлика што е создаден во време на сиромаштија, кога домаќинките се задоволувале со состојките што ги имале дома, сутлијашот и понатаму е еден од омилените деликатеси. Се прави со ориз и млеко, а другите состојки може да бидат по желба, на пример, може да се додадат чоколадо и портокал. Денеска ви пренесуваме руски рецепт за лажен сутлијаш, кој се прави со просо и тиква, а има одличен вкус, па сигурни сме дека ќе уживате во секој залак.

Состојки:
200 гр просо
1 литар млеко
500-600 гр тиква
100 гр суви кајсии
малку сол
2 лажици шеќер или мед
50 гр путер

Приготвување:
Потопете ги сувите кајсии во топла вода 10 минути. Исечкајте ја тиквата и варете ја во млеко додека да омекне. Просото сварете го, па процедете го. Потоа во тенџерето со тиквата додадете го просото и исцедените суви кајсии и измешајте. Покријте и варете околу 20 минути, повремено мешајќи. После тоа, додадете путер и шеќер и мешајте додека не се соединат со останатите состојки. Потоа поклопете, исклучете го шпоретот и оставете го лажниот сутлијаш да отстои околу 10-15 минути. Ако го правите со мед, ставете го медот откако ќе го исклучите шпоретот.

Овој рецепт кој е сличен на сутлијаш е многу популарен во Индија, но наместо ориз, основна состојка во него се овесните снегулки.

Десертот е многу лесен за подготовка. Потребни ви се само 10 минути.

Пудингот од овес е исклучително здрав. Во овој десерт можете да користите јаворов сируп или мед. Можете исто така да користите кравјо млеко наместо соја млеко за да го направите десертот.

За две лица ви се потребни следниве состојки:

1/2 шолја меки овесни снегулки

2 чаши млеко (или 1 чаша млеко + 1 чаша вода),

суво овошје по ваш избор (суво грозје, брусница, кајсии, гоџи бобинки)

бадеми или лешници, колку што сакате

4 лажици мед или евентуално 4-5 урми

Прстофат кардамон во прав (исто така можете да користите цимет),

прстофат морско оревче во прав

Приготвување:

Во сад со дебело дно, сварете го млекото (на умерена температура).

Додадете овесни снегулки, бадеми, ореви, суво грозје и зачини во зовриеното млеко.

Гответе десет минути, мешајќи постојано.

Послужете го десертот во чинии и украсете со овошје по ваш избор.

Десертот можете да го послужите веднаш или да почекате да се олади.