Од 30 ноември до 3 декември 2022 година, Limak Skopje Luxury Hotel ќе биде домаќин на настанot наречен „Автентичниот вкус на турската кујна“, чија cel e преку спој од оригинални гастрономски специјалитети и традиционална музика, да ja пренесе оригиналната атмосфера на Босфорот овде, во центарот на Скопје.
За автентичноста на настанот ќе се погрижат врвни готвачи кои за оваа прилика ќе допатуваат од Турција. Тие ќе подготвуваат разновидни турски
специјалитети по традиционални рецепти и состојки кои потекнуваат директно од Анадолија, Кападокија и централна Турција.
Гостите на настанот ќе можат да пробаат различни традиционални предјадења, какo што се мезиња, ќофтиња, хумус, имам бајалди и салати, како што е познатата хајдари крем салата со традиционално сирење и шакшука – салата од модар патлиџан, пиперка и домат.

Од главните јадења ќе бидат понудени: зачинето јагнешко (кавурма), пилав, булгур, мантии со јагнешко месо, супа од леќа, пиде, лахмаџун, печено јагнешко и телешко месо, пилешко на скара, полнети модри патлиџани со телешко месо (карнијарик) и други специјалитети, а трпезата ќе биде збогатена и со голем број традиционални десерти како што се: баклава, кадаиф, шеќерпаре, сутлијач и други.
За да се долови вистинската атмосфера на Босфорот, храната ќе се послужува во автентични садови, со традиционални декорации и изглед, а настанот ќе биде збогатен со
турски чалгии во живо.

Настанот „Автентичниот вкус на турската кујна“ ќе се одржува во овој период (од 30.11 до 03.12) секој ден од 19 до 22 часот.

Оскарите се една од најпрестижните церемонии за доделување награди во светот. Годинава, во театарот Долби во Лос Анџелес, се одржа по 94-ти пат.

На забавата по церемонијата, турските јадења ги воодушевиле сите присутни, меѓу кои познати филмски ѕвезди, уметници и продуценти.

Познатиот готвач Волфганг Пак, кој го подготвува менито за Оскарите од 1995 година, во овогодинешното мени вклучил пиде од црноморскиот регион на Турција (Karadeniz Pidesi) и суви кајсии исполнети со крем сирење (Kaymaklı Kayısı Tatlısı). Во овие два специјалитети за првпат уживале најистакнати личности од светската филмска сцена, а јадењата добиле големи пофалби.

Волфганг Пак, кој го подготвил менито за овогодинешната забава, рекол: „Турција е една од најбогатите кујни во светот благодарение на традиционалните рецепти и органските производи. Има многу рецепти и производи кои можете да ги откриете во турската кујна. Сите седум региони на Турција се полни со вкусови. Има многу градови во Турција кои мора да ги посетите и кои имаат вкусна храна. Јас и моето семејство секое лето со задоволство ја посетуваме Турција“.

Рецептите за турските јадења, кои по доделувањето на Оскарите им ги сервирал на филмските ѕвезди Волфганг Пак, може да се најдат на видео снимките на Delicious Türkiye во рамките на Јутјуб налогот Go Türkiye.