Во последно време сè почесто многу луѓе избегнуваат болоњезе затоа што не знаат какво месо има во него и дали има нешто додадено што не би требало да го има или пак затоа што воопшто и не јадат месо.

Најдовме одличен рецепт за нова верзија на ова добро познато јадење: лажно болоњезе, кое наместо месо има леќа.

Останатото ви е познато: моркови, целер, кромид, лук, пелати и фини медитерански зачини.

Се разбира, со пармезан.

И не се плашете дека ваквото Болоњезе нема да ве засити како она со месото.

Патем, еве неколку интересни факти за веројатно најпознатиот сос за тестенини: иако се нарекува Болоњезе, тој всушност не потекнува од Болоња во Италија, како што често се мисли, туку од провинцијата Имола, која е во близина на Болоња.

Освен тоа, во Италија не се ни вика болоњезе, туку рагу, и иако обично го јадеме со шпагети, Италијанците најчесто го служат болоњезе со таљатели.

Но можете да го послужите со која било тестенина по ваш избор, дури и со ориз, кускус или слично, или пак со овој сос, на пример, да наполните тиквички или модри патлиџани и да ги испечете во рерна.

Состојки за две лица:

мал кромид (или половина голем кромид)
3 супени лажици маслиново масло
2 чешниња лук
2 моркови
корен од целер
половина од црвена пиперка
1 чаша леќа (користете чаша од 150 мл)
коцка за супа
150 мл вода, плус вода за готвење леќа
1 конзерва излупени домати
босилек, магдонос (количина по желба)
Пармезан за сервирање

Приготвување:

Сварете ја леќата во вода.
Кромидот ситно се сечка и се пржи во маслиново масло.
Додадете ја црвената пиперка исечкана на ситни коцки и динстајте уште малку.
Кога пиперката малку ќе омекне, додадете ги ренданиот морков и целерот, измешајте сè и додадете издробен или ситно исечкан лук.
По неколку минути додадете ја сварената леќа, промешајте и потоа додадете ги излупените домати и варете.
Додадете сол и бибер по желба.
Ако е премногу густ поради леќата, разредете го со 150 мл врела вода и варете уште малку додека не ја добиете саканата густина.
На крајот зачинете со босилек и магдонос. Сосот послужете го со шпагети или други тестенини по избор и поросете со пармезан.