Дали знаевте дека во светот постојат дури 40.000 различни варијанти на оваа популарна намирница? Бел, интегрален, црн, див, јасмин, црвен… Оризот навистина доаѓа во широк спектар на бои, вкусови и текстури.

Но овој пат нашето внимание особено го привлекува една од нив, а тоа е црвениот ориз.

Овој ориз потекнува од Далечниот исток, поточно од Кина, каде што со векови се користи не само за приготвување јадења туку и како природен лек за срцеви заболувања.

Покрај својата привлечна боја, црвениот ориз има и поинтензивен вкус на јаткасти плодови и, за разлика од белиот ориз, е богат со есенцијални хранливи материи, се добива со ферментација со помош на специјална габа од квасец, Monascus purpureus.

Оваа здрава храна меѓу другото содржи витамини Б2, Б6 и Е, калциум, цинк, манган, фосфор, магнезиум, бакар и железо, а богата е и со растителни влакна.

Црвениот ориз е вистинска ризница на антиоксиданти – има десет пати повеќе од кафеавиот ориз.

Содржи и антоцијанин, растителен пигмент кој му ја дава специфичната црвеникава боја и е одговорен за подмладувачкиот ефект на оваа намирница.

Придобивките од црвениот ориз

Поттикнува добро варење и губење на тежината

Црвениот ориз е одличен извор на растворливи и нерастворливи влакна, што го прави одлична храна за сите кои страдаат од лошо варење, вклучувајќи запек и дијареа.

Благодарение на влакната, оваа намирница обезбедува долгорочно чувство на ситост и може да ви помогне да го изгубите вишокот килограми на здрав начин.

Одржува здраво ниво на шеќер во крвта

Бидејќи има низок гликемиски индекс (55), црвениот ориз не предизвикува нагло зголемување на шеќерот во крвта.

Ова е одлична вест за луѓето со дијабетес, како и за оние со зголемен ризик од оваа болест.

Придонесува за здравјето и силата на коските

Со оглед на високата содржина на минералите магнезиум и калциум, црвениот ориз е одлична храна за здравјето и јачината на коските.

Со редовно консумирање на оваа намирница, можете да спречите болести како артритис, остеоартритис и остеопороза.

Ги штити срцето и крвните садови

Црвениот ориз може да се пофали со извонредната состојка наречена моноколин К, која делува како фармацевтските лекови за намалување на холестеролот, само без штетни несакани ефекти.

Истражувањата спроведени од кинески и американски научници покажале дека консумирањето црвен ориз во текот на два месеци може да го намали нивото на триглицериди и холестерол во крвната плазма.

Друга фантастична особина на овој ориз е тоа што може да помогне дури и во закрепнување на срцето кај луѓето кои преживеале срцев удар.

Ова го покажа студијата во која биле опфатени пет илјади пациенти кои се опоравувале од срцев удар.

Помага во спречување на астма

Бидејќи е богат со магнезиум, минерал кој ја стимулира циркулацијата, редовното консумирање црвен ориз може да го подобри и здравјето на вашиот респираторен систем.

Благодарение на ова, оваа намирница може да помогне и во спречување на астма, болест која станува се поприсутна.

Совети за подготовка и консумирање

Секогаш мијте го црвениот ориз пред да готвите. Можете да го скратите времето за готвење, кое е до 45 минути, така што претходно ќе го натопите најмалку два часа.

Овој ориз е одличен додаток во утринската каша, салата или супа, а можете да го послужите и како здрав прилог.

Можете да го користите и за подготовка на пудинг од ориз, како и тортиљи од оризово брашно. Неговиот јаткаст вкус, како и изобилството на хранливи материи, ќе го подигнат секое јадење.