Оваа година, dm ве мотивира да научите нешто ново и да создадете нови навики!

Во периодот од 3 до 16 февруари, со купување на органски производи во вредност над 999 денари во која било dm дрогерија, ќе добиете подарок – книга со 25 вкусни dmBio рецепти, одбрани и подготвени од страна на готвачи од нашата земја, Србија, Хрватска, Босна и Херцеговина и Словенија. 

Книгата „Кулинарско патување со dmBio“ содржи брзи и вкусни рецепти за подготвување на оброци од органски производи, која купувачите можат да ја добијат со купување на омилените органски производи во која било dm дрогерија. Понудата важи од 3.2  до 16.2, односно до истекот на залихите.

Органската храна е тренд кој полека, но сигурно, го освојува светот и станува се’ поважен дел од животот на современиот човек. Како најголем понудувач на органска исхрана на македонскиот пазар, dm ги охрабрува луѓето да се свртат кон поздрави навики и да ја стават органската храна на врвот на листата на намирници кои ги употребуваат во секојдневието. Сертифицираните органски производи можете да ги најдете во секоја dm дрогерија.

Со оваа книга, dm на купувачите им дава инспирација за готвење, но и конкретни идеи за вкусни, здрави, природни оброци.

Повеќе информации за понудата и за производите кои се дел од dmBio асортиманот дознајте на: https://www.dm.mk/.

Сармата е едно од најпопуларните македонски традиционални јадења, познато по
својата вкусна комбинација на кисела зелка и месо.

Но, за оние кои овој последен ден од Veganuary сакаат да пробаат нешто ново – постои одлична веганска верзија на овој оброк, која не само што е здрава, туку и го задржува својот богат и оригинален вкус.
Сѐ што ви треба за подготовка на оваа веганска сарма се: dmBio басмати ориз, dmBio
ореви, dmBio доматно пире, dmBio мешавина од италијански зачини, dmBio веганска
замена за месо, dmBio маслиново масло, dmBio сол со билки, dmBio сушен зеленчук
во прав, печурки и кисела зелка.
Погледнете ја постапката за подготовка тука!
Дали сте знаеле дека под мотото „Органски квалитет по супер цени“ dm нуди најголем
избор на висококвалитетни сертифицирани органски dmBio производи, кои се
произведени по најстрогите стандарди за органско производство?

Состојките на секој производ се внимателно одбрани сѐ со цел да се зачува квалитетот и оригиналниот вкус. Затоа, посетете ја најблиската dm дрогерија и пронајдете го вашиот нов омилен
dmBio органски производ!

Живееме во време во кое за речиси сите потреби имаме избор од барем неколку, а често и премногу решенија. Но сите тие се разликуваат и изборот зависи од нашите потреби, како и што сакаме да постигнеме. Слична е ситуацијата во однос на маслата за готвење – достапни ни се навистина голем број опции, но нивните различни карактеристки значат дека треба да внимаваме кој тип ќе го избереме при подготовка на оброците. На пример, рафинираното маслиново масло и кокосовото масло се извонредна опција за готвење на повисока температура, но дали знаете зошто?

Нутриционистката Симона Коруновска за маслиновото масно вели дека е безбедна опција за готвење на повисока температура, благодарение на отпорноста на високи температури и мононезаситените киселини кои ги содржи. Од друга страна, нерафинираните масла добиени од семиња најдобро е да ги употребуваме во оброци на кои не им е потребно термичко загревање, за да не ги уништиме нивните високи нутритивни вредности.

Не повеќе од пет минути се потребни за да се подготви интересен оброк по препорака на Симона и dm. Вегански, посен, со избалансирано количество јаглехидрати, протеини и здрави масти, овој оброк е вкусен и практичен дури и за на работа. Станува збор за готов ориз и мали вегански колбаси кои може да се искомбинираат со вкусна салата со лимонов сок.

Целиот рецепт може да го погледнете на Youtube-каналот на dm

Овој оброк се базира на див ориз, кој е целосно природен, не е многу калоричен, има поголемо количество протеин и изобилува со манган. Станува збор за готова комбинација на ориз која е особено здрава. Дополнително, малите колбаси, кои се вегански и навистина вкусни, се протеинскиот дел од оброкот. Изобилуваат со ароми затоа што не содржат никакви конзерванси.  Се работи за брз и едноставен рецепт кој со насмевка ќе го подготвите, а со уште поголемо задоволство ќе уживате додека го конзумирате.

На веб-сајтот на dm можете да пронајдете уште повеќе нутритивни факти за различни состојки и брзи и едноставни рецепти со нив!

Тестенините се брз и едноставен оброк и одличен начин да се заситите кога немате доволно време за готвење. Сами по себе, тестенините, наспроти општото верување, не нè дебелеат.

На тој план, особено се хранливи органските тестенини, кои ги има во неколку видови со интересни нутритивни факти:

– Тестенини од бело органско брашно: богати со јаглехидрати и немаат многу растителни влакна.

– Интегрални органски тестенини: богати со растителни влакна, подолго време ве држат сити.

– Протеински тестенини: одлични и брзи за подготовка, а сепак со потребното количество протеин, и специфичен вкус кој долго време ве држи сити.

Ве интересираат повеќе информации за органските тестенини? Погледнете го целото видео на YouTube каналот на dm!

Симона и dm со вас споделуваат брз, едноставен и лесен рецепт со тестенини од леќа со песто. Погледнете како да го подготвите:

ВИДЕО: Тестенини од леќа со песто – YouTube

Станува збор за брз и здрав оброк, кој го содржи потребното количество протеин. Пестото носи богатство од вкусови и ја прави комбинацијата совршена. Вегански, посен и медитерански оброк. Ова се само неколку причини плус зошто рецептот е здрав:

– Песто: мало количество е доволно за да го трасформира оброкот, содржи билки, јатки и зачини кои помагаат во одредени случаи телото да се бори против вирусите и бактериите.

– Екстра девствено маслиново масло: едно од најздравите со многу калории и многу витамини, дејствува како антиоксиданс и ја штити кожата.

– Леќа: можеби не е еден од најомилените оброци, но дефинитивно е еден од најстарите и најздрави продукти. Богата е со растителни влакна и железо.

– Протеински микс: наменет за грицкање, но може да се употреби и како топинг на супа, салата, брускети.

Сакате да прочитате уште повеќе интересни нутритивни факти и да пронајдете органски и брзи рецепти? Посетете ја веб-страницата на dm!

Со различните видови семиња многумина од нас често се среќаваат, но за нивната нутритивна вредност и влијание врз човечкиот организам не се зборува доволно во јавноста. Меѓу другото, семињата се ефикасен начин да се внесат здрави масти, растителни влакна и минерали во исхраната. Исто толку важно е да се знае дека, заради богатството на влакна што го содржат, при нивната консумација е многу значајно да се пие доволно количество вода.

Навистина добар пример е лененото семе. Тоа содржи многу влакна, протеини и калиум. Најдобро е да се јаде сомелено за полесно да се дигестира. Треба да се почне со помало количество, што постепено ќе се зголемува.

Чиа-семето, од друга страна, е извор на омега-три и алфа-линоленска киселина и е одличен избор за тие што не јадат риба. Исто така, доколку рецептот содржи јајце што сака да се избегне, една лажичка чиа и малку вода е извонредна замена. 

Тука се и семките од тиква на кои не треба да им одолеете бидејќи содржат многу минерали, од кои најмногу цинк, кој е важен за правилно функционирање на имунолошкиот систем.

Нутриционистката Симона, во соработка со dm, споделува ултра брз појадок – овесна каша богата со железо, многу растителни влакна што долго држат ситост и ја намалуваат апсорбцијата на шеќер во крвта.

На youtube – каналот на dm може да го погледнете целиот рецепт, кој одлично ќе ви се најде кога немате идеја што да појадувате.

Ова се неколку факти кои ја прикажуваат исклучителната нутритивна вредност на едноставната овесна каша што ја подготви Симона:

– Овесните снегулки изобилуваат со комплексни јаглехидрати и растителни влакна кои ја помагаат цревната перисталтика, ја подобруваат опстипацијата, долго држат ситост и помагаат при регулирање на шеќерот во крвта.

– Малините се продукт кој има ниско ниво на шеќер и калории, но многу антиоксиданси и танини кои можат да помогнат во борбата со оксидативниот стрес, регулирањето на шеќерот во крвта, инфламаторните процеси во телото, како и стареењето.

– Путерот од лешници освен што е вкусен, има заситени масти кои можат да ја помогнат борбата со лошиот холестерол и при регулирање на притисокот.

– Јагодите се едни од омилените овошја, а овошниот намаз со 75 отсто јагоди е одличен начин да уживаме во нив и кога ќе заврши нивната сезона. Тие имаат многу активни био компоненти, може да помогнат во заштита на кожата и да превенираат одредени хронични заболувања.

Повеќе интересни нутритивни факти, рецепти и совети во соработка со Симона Коруновска може да погледнете на веб-сајтот на dm!

Тофу е „сирење“ направено од млеко од соја. Вегански продукт, кој има малку калории, а многу протеини кои ги имаат сите девет есенцијални аминокиселини неопходни за правилна функција на телото. Редовна консумација на тофу може да помогне при регулирање на телесната тежина, „топлите бранови“ за време на климакс, регулирање на холестеролот итн. Дополнително, ова е одличен извор на протеини за време на постите.

Лесно впива вкусови, што го прави лесен за готвење на многу начини, а секако опцијата да остане каков што е, не е исклучена. Тврдото пастеризирано тофу е готов продукт кој треба да само да се исцеди од вишокот вода и веќе е спремен за консумација.

Содржи големо количество железо, калиум, манган, селен, цинк итн. За сите оние што немаат многу време за подготовка на оброци, а сепак сакаат да се исхрануваат балансирано, тофуто е одлична опција. Лесен за подготовка, балансиран и вегански оброк кој содржи доволно количество протеин и растителни влакна.

Брз и лесен начин на кој може да го искористите овој вид сирење е тофу сендвичот.

Тофуто го сечете на тенки парчиња и го ставате да се маринира 30 минути во соја-сос, јаворов сируп и лук во прав. Потоа кратко ги потпекувате парчињата леб и ги премачкувате со био намаз. Ја редите зелената слата, парче домат и исечкани кисели краставички. Веќе маринираното тофу, го карамелизирате во загреана тава 5 до 6 минути со малку маслиново масло, а потоа го ставате во сендвичот и послужувате.

Погледнете ги потребните состојки и целата постапка за подготовка тофу-сендвичи: Тофу-сендвич

Ако постојано се прашувате какви својства имаат продуктите кои ги консумираме, дали одредени алтернативи се навистина поздрави или, пак, тоа е само мит – на веб-сајтот на dm може да пронајдете уште повеќе нутритивни факти, рецепти и корисни совети!