Најдобрите сирења во светот се италијански, според TasteAtlas, водич за храна од целиот свет кој собира традиционални рецепти, рецензии од критичарите за храна и истражувачки написи за популарни состојки и јадења.

Според експертите, најдоброто сирење во светот е Parmigiano Reggiano и тоа не е изненадување, со оглед на тоа што тоа, исто така, е и едно од најимитираните и најфалсификуваните сирења во светот.

Како што пишува TasteAtlas:

„Пармиџано Реџано е најбогатата умами состојка во западната кујна. Затоа и мала количина може значително да го подобри вкусот на едно јадење“.

Несомнено е дека станува збор за многу вкусно сирење, но вреди да се напомене дека е и калорично и содржи значителна количина сол.

Во класификацијата, италијанските сирења се исто така на второ, трето и четврто место, по овој редослед:

пикантна горгонзола
бурата
Грана Падано
На петтото место се најде мексиканското сирење (Oaxaca), а потоа повторно следуваат италијанските сирења:

Кресченца
Биволска моцарела (buffalo mozzarella) од Кампанија

Осмото место го зазеде португалското сирење (Serra de Estrela), а потоа типичните италијански производи како што се:

Пекорино сардо
Тосканско пекорино

Накратко, во првите десет најдобри сирења во светот има 8 италијански производи, додека за да најдеме француско сирење треба да одиме на 13-то место на кое се наоѓа Реблошон (Reblochon).

Во вечниот спор меѓу италијанските и француските производи, се чини дека, барем што се однесува до сирењата, Италија е дефинитивно супериорна.