Гастроентерологот д-р Саураб Сети од Харвард направил листа од 10 видови овошје, рангирани според тоа колку се добри за здравјето на цревата. На дното се нашле презрелите банани, додека боровинките и калинката се издвоени како едни од најдобрите избори.

Според Сети, проблемот со презрелите банани е што содржат повеќе шеќер, а помалку резистентен скроб – вид јаглехидрат кој не се вари целосно во тенкото црево и служи како храна за корисните цревни бактерии. Поради тоа, лекарот ги споредува со „чоколадни плочки во кора“.

Тоа не значи дека бананите треба да се исфрлат од исхраната. Напротив, Сети смета дека малку зелените, односно помалку зрелите банани, се подобар избор бидејќи содржат повеќе резистентен скроб, имаат повеќе влакна и можат да придонесат за подолго чувство на ситост и подобра регулација на варењето.

На врвот од неговата листа се боровинките и калинката. Тие се богати со полифеноли и антиоксиданти, соединенија кои се поврзуваат со намалување на воспалителните процеси и подобро кардиоваскуларно здравје.

Кивито исто така добило висока оценка поради растворливите влакна. Тие во цревата впиваат вода и создаваат гел, што може да помогне столицата да биде помека и да го олесни празнењето на цревата.

Јаболките, крушите и дињите се наоѓаат во средината на листата. Тие обезбедуваат витамини, течности и одредено количество влакна, но според ова рангирање не се толку корисни за цревата како зрнестото овошје.

Послабо поминале грозјето и портокалите. И тие имаат хранливи материи, но во споредба со некои други овошја содржат помалку влакна.

Во текстот се наведува и дека прекумерното консумирање цитрусно овошје може да биде поврзано со зголемен ризик од рак на кожата поради фотосензитивните својства на одредени соединенија. Тоа, сепак, не значи дека портокалите и другите цитруси треба да се избегнуваат, туку дека ниту со нив не треба да се претерува.

Познато е дека киселото млеко е традиционална храна која често се користи во исхраната на Балканот. Иако некогаш се сметало за „расипано“ млеко, подоцнежните истражувања покажале дека е исклучително здраво. Киселото млеко е богато со калциум, клучен минерал за здравјето на коските, но содржи и комплекс витамини Б. Она што го прави киселото млеко најголемо богатство се природните пробиотици, а еве што вели српскиот гастроентеролог проф. д-р Војислав Перишиќ за тоа дали е поздраво киселото млеко или јогуртот.

Не е подобро
Киселото млеко не е подобро од јогуртот. Вистина е дека содржи 50 пати повеќе пробиотски бактерии од јогуртот, но киселото млеко содржи многу лактоза и кај луѓето го регулира само нејзиниот дефицит. Киселото млеко содржи пет отсто лактоза. Тоа само по себе влијае на поголема сварливост. Се препорачува за деца кои имаат акутни инфекции, бидејќи киселото млеко придонесува за подобрување на здравјето. Добар е и за цревни инфекции. Ако се посериозни – подобро е да се пие јогурт, а не кисело млеко, а ако се поблаги, тогаш е подобро да се консумира кисело млеко, поради поголемата популација на пробиотски бактерии.

Козјо млеко
Ако земете два оброка со кисело млеко кое има многу лактоза, по вториот оброк ќе имате надуеност. Потоа можете да се префрлите на јогурт со помалку лактоза, оној кој има два проценти. Нашата способност да ја свариме лактозата не е толку намалена за да не можеме да го надминеме овој проблем. Киселото млеко содржи протеини кои влијаат на мускулната сила, но не клучно. Влијаеме на мускулната сила, волјата, расположението, нервниот систем, активноста. Знаеме дека три органски киселини во дебелото црево можат да влијаат на мозокот. Една од нив е лоша и влијае на стапката на стареење на нервните клетки. Затоа треба да се внимава со млекото, па попрактично е да се пие козјо млеко.
Бројни податоци укажуваат дека киселото млеко е од суштинско значење за долговечноста.

Бактеријата Lactobacillus bulgaricus влијае на подготвеноста за одбрана од инфекции. Затоа, е препорачливо да се читаат етикетите и да се бираат производи што ја содржат. Затоа кога земаме комерцијални препарати од пробиотски бактерии, имаме подобра столица, без оглед на видот на млекото.