Постои физичка глад и психолошка глад. Кога се чувствуваме физички гладни, тогаш мораме да јадеме бидејќи на телото му недостасува енергија, а шеќерот во крвта е низок.

Последиците можат да бидат општа слабост, неможност за концентрација и замор.

Меѓутоа, врз психолошката глад, како што ѝ кажува и името, влијаат психолошки причини.

На пример, многу луѓе јадат затоа што им е досадно, затоа што така се ослободуваат од стресот или затоа што некоја храна изгледа привлечно и имаат желба за одредено јадење.

На многумина им се познати овие и слични ситуации: стоите пред фрижидерот, нервозни поради нешто што се случило на работа, барате кутија сладолед за да ја „оладите главата“ или седнувате на каучот и безумно грицкате чипс по расправија со саканата личност.

Сето ова се примери за психолошка глад или како што обично се нарекува „јадење на нервна база“.

Многу негативни емоции, вклучувајќи ги бесот и тагата, може да предизвикаат лоши навики во исхраната, кои можат да бидат многу опасни за вашето здравје.

Лош ден на работа или расправијата со пријател се краткорочни проблеми.

Но, прејадувањето на нервна база може да доведе до хронични проблеми.

Ова вклучува хроничен стрес, долгорочен бес, депресија и други грижи.

Ако ова се однесува на вас, прашајте го вашиот лекар дали ќе имате корист од советување, лекови, управување со стресот, вежбање и други техники.

Во секој случај, треба да ја откриете причината за вашите емоционални проблеми и да се обидете да ја решите.

Во меѓувреме, постојат мали, но корисни работи што можете да ги направите за да го намалите и контролирате емоционалното прејадување.

Запрашајте се зошто јадете

На пат кон фрижидерот, запрашајте се: „Дали сум навистина гладен/гладна?“

Поставувајќи си го ова прашање, ќе ја препознаете вашата мотивација.

Во најдобар случај, може да одлучите дека не сте гладни и да се откажете.

Во други прилики, вакво прашање ќе ви помогне да направите подобар избор на храна.

Замена за најлошите грицки

Ако при рака немате огромна кеса со мрсен чипс, нема да го јадете.

Тоа е добро, бидејќи прејадувањето со вакви преработени грицки може да го зголеми нивото на кортизол, хормонот на стресот.

Ако немате нездрави грицки во домот, нема да мора да им одолевате.

Ако ви треба солена ужина, користете житарки наместо пуканки.

Ќе добиете важен извор на серотонин, таканаречениот хормон на среќата.

Исто така, ќе внесете антиоксиданти во телото за зајакнување на имунолошкиот систем.

Ако стресот, лутината или тагата „бараат“ слатки, запомнете го ова: слатките и преработената храна може да предизвикаат сериозни проблеми со срцето и крвните садови, како и одредени психички проблеми, вклучително и симптоми на депресија.

Како алтернатива на вашите омилени бонбони, торта или пита, земете чинија со овошје.

Изберете храна која се бори против стресот

Дали некогаш сте се запрашале зошто луѓето нудат топол чај во стресни ситуации?

Излезе дека има повеќе од благотворно дејство.

Чајот често содржи корисни антиоксиданти. И зелениот и белиот чај содржат амино киселина наречена Л-Теанин која може да помогне во намалувањето на нивото на стрес.

Списокот на слични намирници продолжува: темно чоколадо (со најмалку 70 проценти какао), цели зрна, јаткасти плодови, мешунки и овошје и зеленчук – сите овие намирници играат улога во одржувањето на здрав ум.

Клучот е да јадете храна која помага во борбата против стресот и да избегнувате преработена храна што може да направи да се чувствувате полошо.