Уште од мали нозе, стоматолозите нè предупредуваат да го намалиме внесот на слатки и на засладени пијалаци за да спречиме кариес. Иако самиот шеќер не предизвикува директно кариес, тој ги храни бактериите во нашите усти, кои пак произведуваат киселини. Овие киселини, заедно со бактериите и честичките од храна, формираат леплив слој на плак што се лепи на површината на нашите заби. Со текот на времето, плакот може да ја еродира забната глеѓ и да доведе до кариес.

Секако, редовното миење на забите, користењето конец за заби и посетите на стоматолог се клучни за превенција, но плунката исто така игра важна улога. Таа постојано ги неутрализира киселините, ги мие остатоците од храна и помага при помали поправки на глеѓта.

Но, одеднаш, имаме неочекуван сојузник – индиските ореви. Нивното џвакање го стимулира зголеменото производство на плунка, која ги мие остатоците од храна и ги неутрализира киселините, а воедно нежно ги масира непцата и помага да се отстранат остатоците меѓу забите. Некои истражувања дури покажуваат дека соединенијата во индиските ореви можат да ги неутрализираат бактериите одговорни за расипување на забите.

Во 2014 година, научниците ги објавиле резултатите од студијата во списанието „Brazilian Research in Pediatric Dentistry and Integrated Clinic“ која покажала дека танините од кората од индиски ореви го запираат растот на штетните бактерии, ги спречуваат да се залепат на површините, па дури и ги уништуваат самите бактерии. Ефикасноста била споредена со хлорхексидин – честа состојка во течноста за плакнење уста – иако хлорхексидинот бил посилен, танините се покажале како многу добри.

Друга студија, објавена во американското списание за стоматологија, покажала дека консумирањето јаткасти плодови, вклучувајќи и индиски ореви или семки, ја враќа pH вредноста на поздрави вредности по само десет минути и ги намалува потенцијалните штети.

Незаситени масни киселини

Но, придобивките од индиските ореви не запираат само кај насмевката. Само 28 грама сирови јаткасти плодови содржат повеќе од шест грама мононезаситени и два грама полинезаситени масни киселини, кои помагаат во поддршката на здравјето на срцето. Олеинската киселина го намалува „лошиот“ LDL холестерол и го зголемува „добриот“ HDL. Редовното консумирање – четири или повеќе пати неделно – е поврзано со до 37 проценти помал ризик од срцеви заболувања.

Извор на важни минерали

Овие јаткасти плодови се одличен извор на железо, магнезиум, бакар и цинк. Магнезиумот и бакарот ги опуштаат нервите, спречуваат мигрена и грчеви, а исто така помагаат и во когнитивната функција. Магнезиумот ја подобрува чувствителноста на инсулин, што го намалува ризикот од дијабетес тип 2. Покрај тоа, само една шака содржи доволно лутеин за да го заштити видот од светлина и да го намали ризикот од макуларна дегенерација поврзана со возраста.

Иако не се комплетен извор на протеини, индиските ореви ги содржат сите есенцијални аминокиселини потребни за здравјето на мускулите и ткивата, а исто така се полни со моќни антиоксиданти кои можат да помогнат во спречувањето на ширењето на клетките на ракот.

Со 157 калории по шака, може да изгледаат богати со калории, но влакната и здравите масти ќе ве одржат сити и ќе ви помогнат да ја контролирате вашата тежина.

Со други зборови, следниот пат кога ќе посегнете по ужина, индиските ореви би можеле да бидат одличен избор. Сепак, оние со нетолеранција на хистамин треба да ја ограничат нивната потрошувачка.

Ги сакаме како здрава ужина бидејќи се богати со незаситени масти, протеини, влакна, есенцијални витамини и минерали.

Како и сите јаткасти плодови, знаеме дека треба да ги јадеме умерено бидејќи обично се многу калорични, па мерката е да не се јадат повеќе од десет парчиња дневно.

Инаку, особено се богати со витамин Б6 и во сто грама содржат доволно за да се задоволат 20 проценти од дневната потреба за овој витамин, кој е неопходен за нормална функција на мозокот, спречување на кожни нарушувања и забавување на стареењето.

Богати се и со селен, сто грама содржат 12 микрограми од овој минерал, кој е добар антиоксидант и помага во спречување на срцеви заболувања, па дури и некои видови на рак.

Содржат и железо, цинк, бакар, калциум, магнезиум, калиум и витамин Е.

Потоа, тука се и протеините и полифенолите, кои на нашите тела им обезбедуваат значителни здравствени придобивки – од добро здравје на срцето, превенција од мозочен удар, регулирање на шеќерот во крвта, подобрување на здравјето на мозокот и негово подобро функционирање, па до здрави очи и коски и посилен имунолошки систем.

Сето ова им го припишуваме на индискиските ореви, кои се прогласени за отровна билка на 2025 година.

Избор на германската ботаничка градина

Натпреварот традиционално го организира германската ботаничка градина Вандсбек за да обезбеди информации за токсичните ефекти на растенијата кои луѓето најчесто ги користат без да знаат за нивните посебни својства.

Темната страна на индискиот орев лежи во фактот дека неговата кора е отровна.

Индиските ореви во Европа ги среќаваме само во продавниците за храна и тие се целосно нетоксични за човечка исхрана бидејќи се преработуваат пред да стигнат до продавниците.

Имено, плодот кој потекнува од североисточен Бразил, а денес се одгледува во Африка, Азија. Латинска Америка и Индија, содржи кардолово масло, кое негативно влијае на мукозните мембрани и може да предизвика тешки колики и алергии на кожата кои се – според ботаничката градина Вандсбек – „споредливи со изгореници од втор степен“.

Штетен кардиол

Не треба да се консумираат сирови индиски ореви. Лушпата од индискиот орев е тврда и содржи токсично масло (кардол), што доведува до здравствени проблеми по конзумирањето.

Купените индиски ореви обично се безопасни бидејќи нивната надворешна обвивка, која содржи најголема количина кардол, се отстранува пред продажба.

После тоа се пржат или се варат на пареа. Овие процеси го прават отровниот кардол безопасен. Вака преработени индиските ореви се вистински извор на енергија и нудат голем број здравствени придобивки.

Тие се богати со незаситени масни киселини, протеини, влакна, витамини и минерали. Особено се богати со магнезиум, бакар, цинк и витамин Б, наведуваат во Ботаничката градина.

Тие посочуваат дека индиските ореви купени во продавниците како готови производи, сепак, може да содржат сол или шеќер и советуваат да се внимава тие да бидат несолени и да содржат што е можно помалку шеќер.

Исто така, индиските ореви содржат хистамин. Луѓето со нетолеранција на хистамин треба да ја ограничат потрошувачката, предупредуваат германските ботаничари и повикуваат веќе да се номинираат кандидатите за следната отровна билка на годината од листата на отровни растенија на нивната веб-страница.

Доколку некое отровно растение го нема на списокот, може да се предложи, списокот ќе се ажурира, а од јуни ќе може да се гласа.

Растението кое ќе добие најмногу гласови ќе биде прогласено за отровно растение за 2026 година, а јавноста ќе има можност да дознае повеќе за неговата темна страна.

Индиските ореви се полни со антиоксиданти, витамини и минерали, како што се амино киселини, цинк, калиум, железо, калциум, бакар, фосфор, ниацин и витамин Б6.

Сите тие се неопходни за нормално функционирање на телото. Овие моќни јаткасти плодови се од крајбрежните области на североисточен Бразил, но се многу популарни низ целиот свет. Ако сè уште не сте ги пробале, оваа листа може да ве натера да се премислите.

Индискиот орев го зајакнува имунолошкиот систем
Цинкот, бакарот и витаминот Е се само некои од минералите присутни во индиските ореви кои помагаат во зајакнувањето на имунолошкиот систем. Имуните клетки имаат потреба од цинк и бакар за да растат и функционираат. Витаминот Е е моќен антиоксидант и може да ги заштити клетките од оштетување и да го намали оксидативниот стрес и воспалението.

Можат да помогнат при губење на тежината
Иако индиските ореви се сметаат за масти, тие содржат добар холестерол. Така, спротивно на популарното верување, оние кои јадат индиски ореви најмалку два пати неделно добиваат помалку килограми во споредба со оние кои јадат помалку.

Сепак, важно е да се има на ум дека не треба да претерувате со овие јаткасти плодови, бидејќи во спротивно тие би можеле да придонесат за дебелеење. Препорачаната дневна доза е околу 10 јаткасти плодови или една полна шака.

Го намалуваат високиот крвен притисок
Поради содржината на магнезиум, индиските ореви можат да помогнат во намалување на крвниот притисок.

За здрави коски
Магнезиумот е исто така витален за здравјето на коските. Магнезиумот добро функционира со калциум и витамин Д, кои ги прават коските силни. Јадењето индиски ореви е добро за здравјето на коските и од друга причина – витаминот К што го содржат помага во одржување на густината на коските и го намалува ризикот од остеопороза.

Го регулираат шеќерот во крвта
Индискиот орев има низок гликемиски индекс кој помага да се спречи скокот на шеќерот во крвта. Додека високата содржина на влакна ја забавува апсорпцијата на шеќер во крвотокот, здравите масти ја подобруваат чувствителноста на инсулин. Придобивките од воведувањето индиски ореви како дел од урамнотежена исхрана може да помогнат во регулирањето на нивото на шеќер во крвта кај луѓето кои имаат дијабетес или се изложени на ризик да развијат дијабетес.

Спречуваат камења во жолчката
Дневниот внес на индиски ореви може да го намали ризикот од развој на жолчни камења до 25 проценти.

За здрави непца и заби
Како што споменавме претходно, содржината на магнезиум присутна во индиските ореви е многу добра за коските. Овој магнезиум создава и здрави заби и силни непца.

Помага во намалување на штетата од слободните радикали
Индискиот орев му помага на телото правилно да го користи железото и да ги елиминира слободните радикали кои можат да доведат до здравствени проблеми.

Ја прават кожата поблескава
Индиските ореви се богати со бакар, па може да помогнат да се зголеми производството на колаген, што е од суштинско значење за еластичноста на кожата. Витаминот Е и селенот, кои се присутни во индиските ореви, се одлични антиоксиданти кои ја штитат кожата од оштетување предизвикано од слободните радикали и од предвремено стареење.

Го помагаат варењето
Поради нивната висока содржина на влакна, овие јаткасти плодови помагаат во подобрување на варењето со намалување на запек и подобрување на редовното празнење на дебелото црево. Пребиотиците, кои се присутни во индиските ореви, се класа на влакна кои помагаат да се развие добра цревна флора. Сепак, индиските ореви треба да се консумираат умерено, бидејќи консумирањето премногу влакна може да има контра-ефект на дигестивниот систем.

Ако постојано имате потреба да грицкате, најдобро би било тоа да се јаткасти плодови. Еден од најздравите е индискиот орев. Оваа здрава закуска е богата со железо, селен, фосфор, магнезиум и цинк. Го штити здравјето на срцето, благотворно делува на дијабетесот, антиоксидант е, а се користи и за слабеење. Индиските ореви се популарни поради нивниот специфичен вкус и текстура, често се користат во готвењето и имаат некои потенцијални корисни лековити својства за здравјето.

Индискиот орев е богат со хранливи материи како што се протеини, влакна, витамини (како што се витамините Е, К и Б6) и минерали (како бакар, магнезиум и цинк). Овие хранливи материи се важни за одржување на целокупното здравје.
Сигурно веќе сте слушнале дека индиските ореви се меѓу најмасните јаткасти плодови, но треба да се нагласи дека тоа се многу здрави масти кои го намалуваат ризикот од разни срцеви заболувања.

Како влијаат врз здравјето?
Еве неколку клучни аспекти поврзани со здравствените придобивки на индиските ореви:

Дијабетес – Незаситените масни киселини содржани во индиските ореви, исто така, имаат корисен ефект врз дијабетесот. Тие придонесуваат за намалување на нивото на триглицериди и го штитат телото од понатамошни компликации поврзани со високо ниво на шеќер и холестерол. Редовното консумирање на оваа храна значително го намалува ризикот од дијабетес тип 2.

Магнезиум – Индиските ореви содржат големи количини на магнезиум, кој е неопходен за функционирањето на нашиот организам. Магнезиумот е важен за метаболизмот, а редовното внесување на овој минерал го штити организмот од висок крвен притисок, грчеви во мускулите, главоболки и хроничен замор.
Здравје на усната шуплина – Индиските ореви го зачувуваат здравјето на забите и непцата со тоа што ги уништуваат бактериите кои предизвикуваат расипување на забите, болести на непцата, акни, туберкулоза и други болести.

Здравје на срцето – Здравите масти и антиоксидантите присутни во индиските ореви можат да помогнат во намалувањето на ризикот од срцеви заболувања такашто го поддржуваат нивото на холестерол и ги намалуваат воспаленијата.

Индиските ореви се добри за здравјето на кожата, за слабеење, тие се најдобриот пријател на вашите очи и коса…

Колку калории содржат?
Индискиот орев е енергетски густа намирница бидејќи содржи значителна количина на маснотии. Калориската содржина на индиските ореви варира во зависност од обликот и количината. Еве ги приближните калориски вредности за различни количини индиски ореви:

1 порција (околу 28 грама) индиски ореви: околу 157 калории
100 грама индиски ореви: околу 553 калории
Овие бројки се однесуваат на суви, несолени индиски ореви. Ако се преработени, печени или солени, калориската вредност може да варира.

Важно е да се запамети дека иако индиските ореви се богати со енергија, тие исто така обезбедуваат корисни хранливи материи како што се протеини, здрави масти, витамини и минерали. Сепак, поради нивната висока калорична содржина, треба да ги консумирате умерено како дел од урамнотежена исхрана.

Многу е важно да внимавате колку индиски ореви јадете дневно.

Обидете се да не консумирате повеќе од 30 грама индиски ореви дневно за да ги искористите здравствените придобивки. Една порција индиски ореви содржи околу 16-18 јаткасти плодови.