Иако неговата кора најчесто се лупи, кивито е најздраво кога се јаде со лушпа. Така тврди докторот Џозеф Салхаб од Алтамор Спрингс, Флорида, САД, но за ова можете да прочитате повеќе и ТУКА.

Според него, јадењето цело киви, сосе лушпата, го зголемува вносот на хранливи влакна за дури 50 отсто. Но ако планирате да го правите тоа, добро измијте го овошјето за да се отстранат ситните влакненца кои не се јадат.

Ако јадете киви со лушпа, всушност добивате 50 отсто повеќе влакна и малку повеќе витамини и хранливи материи, истакнал д-р Салхаб.

Лекарите од Клиниката во Кливленд исто така веруваат дека лушпите ја зголемуваат содржината на хранливи влакна. Токму во кората се содржат околу 3 – 3,5 грама влакна во едно киви. Препорачаниот просечен дневен внос е 30 грама најмалку. Влакната се најклучниот дел од урамнотежената исхрана, според американската Националната здравствена служба.

Зголемениот внес на влакна е поврзан со намален ризик од срцеви заболувања, дијабетес тип 2, мозочен удар и рак на дебелото црево. 

Кивито, инаку, може да се додаде и целото и да се изблендира заедно со некои други состојки.

Или пак, можете да го исечете на ситни парчиња.

На овој начин е многу полесно да го изедете. Кивито е одлично за здравјето на вашите црева. Богато е со витамин Ц, овозможува размножување на добри бактерии и помага во спречување запек, додава д-р Салхаб.

Сепак, лушпата од киви не се препорачува за одредени луѓе, особено оние кои се склони кон создавање камен во бубрегот. Ова, пред сѐ, затоа што кивито е богато со оксалати, што може да ја зголеми опасноста од оваа појава кај луѓето со овој здравствен проблем.

Нутриционистката Џилијан Кулбертсон дополни дека кивито може да не реагира добро со калциумот во телото. Тоа би спречило правилно апсорбирање на овошјето, па така да се создадат камчиња во бубрезите, или проблеми со зглобовите.

Стручњаците препорачуваат во таков случај други начини за да вклучите повеќе влакна во вашата исхрана, преку житарки, интегрален леб, грав, овошје и разновиден зеленчук. 

Пред неколку месеци американската актерка Џена Ортега предизвика жестока дебата на интернет. Ова беше поттикнато од видеото на кое тaa јаде киви заедно со кората. И многумина се згрозија од тоа.

Колку и да изгледа бизарно, актерката Ортега правилно јаде киви! Да, според експертите, кората од киви има некои неочекувани здравствени придобивки.

Кора од киви – чудо полно со важни хранливи материи

Фактот дека кората од киви завршува во ѓубре во повеќето домаќинства е всушност здравствено кривично дело. Истражувањата покажуваат дека внесот на влакна, витамини и антиоксиданти значително се зголемува доколку јадете киви со кора. Всушност, во бројки, овие придобивки се дури 50% повеќе. Целиот плод е особено добар за варењето и придонесува за чувството на ситост.

Кората од киви содржи три пати повеќе антиоксиданти од пулпата. Поради своето богатство со витамин Ц, витамин Е и полифеноли, кората дури помага да се забави стареењето на клетките и да се зајакне нашиот имунолошки систем. Затоа, јадењето цело киви е едноставна и природна опција за заштита на телото од слободните радикали и подобрување на имунитетот против настинки.

Лушпите од киви се полни со фолна киселина, која му е потребна на нашиот нервен систем

За оние кои преферираат одреден вид киви, следните информации се исклучително важни: корите од сите видови киви (ги има околу 60!) се јадливи. Зеленото киви можеби е најпознато, но далеку од тоа дека е единствено. За оние кои сѐ уште се скептични и не можат да замислат да загризат киви со лушпа, го препорачуваат жолтото киви. Има помазна лушпа и е помалку влакнесто.

Жолтата кора од киви има уште една предност: таа е важен извор на фолна киселина или витамин Б9. Овој витамин е клучен за производство на енергија и правилно функционирање на нашиот нервен систем. Посебно е важен за трудниците бидејќи е пресуден во развојот на нервниот систем на плодот. Ако јадете жолто киви со кора, внесот на фолна киселина ќе се зголеми за 34%.

Кората од киви не е безбедна за секого – треба да обрнете внимание на тоа

Колку и да е здрава кората од киви, таа сепак претставува ризик по здравјето за некои луѓе. Причината за тоа е што е богат со оксалати.

Станува збор за молекули кои во комбинација со калциум можат да го поттикнат формирањето на камења во бубрезите кај чувствителните луѓе. Значи, ако веќе имате историја на камења во бубрезите или моментално ги имате, треба да избегнувате да ја јадете кората. Исто така и други намирници богати со оксалати како темно чоколадо, спанаќ и брокула.

Доколку немате проблеми со камења во бубрезите и се уште не сте целосно убедени, еве неколку совети со кои многу лесно ќе го вклучите целото киви во вашата исхрана.

Измијте го темелно целиот плод: Најдобро е да изберете органско киви и добро да го измиете пред јадење. Нежното чистење под вода ќе помогне да се отстранат влакненцата и остатоците од пестициди. Така ќе биде попријатно јадењето на кората.

Ставете го во блендер: Ако конзистентноста на кората ве одбива, можете едноставно да го ставите цело киви во блендер или да го исечете кивито на мали парчиња и да го користите за овошна салата.

Ако сепак сакате да јадете излупено киви, можете да ја користите и кората. Додадете ја во освежителна вода со лимон и краставица, автоматски додава повеќе вкус. Преостанатите кори може да се користат и како здрава алтернатива на чипсот! Едноставно премачкајте ги парчињата со шеќер и мед и печете ги во рерна на 150°C 10 до 20 минути. Здрава и пред сѐ, одржлива закуска!

Јадењето киви со кора бара малку ментално прилагодување, но придобивките се многубројни и на крајот само треба да се навикнете. Затоа, следниот пат, само осмелете се да гризнете киви – вашето тело ќе ви биде благодарно.