Конзервираната храна е суштинска состојка во многу домаќинства, ценета поради нејзината достапност, долг рок на траење и практичност.

Процесот на конзервирање, кој датира од раните 1800-ти, вклучува затворање на храната во херметички садови и нејзино загревање за да се убијат бактериите и другите микроорганизми, што овозможува безбедно долгорочно складирање.
И покрај повремените негативни перцепции, конзервираната храна може да биде исто толку хранлива како и свежата, бидејќи методот на конзервирање ги зачувува хранливите материи.

Сепак, треба да знаете кои производи е подобро да се консумираат конзервирани, а кои свежи или замрзнати.

Постојат некои конзервирани производи кои се практични и кои можат да бидат добар избор и во поглед на заштеденото време за подготвување и во однос на нутритивниот состав, но има некои кои се апсолутно лоши и не ви ги препорачуваме.

Еве ги трите најдобри и трите најлоши јадења во конзерва.

Најдобри:

Грав

Нема причина да не се купуваат грав и мешунки во конзерва. Тие се конзервирани но сѐ уште содржат влакна и протеини и се лесен додаток на тестенините и салатите. Сепак, добро е да се исплакне целата конзерва – вклучувајќи го и врвот на капакот – и гравот внатре.

Зеленчук

Секогаш можете да купите зеленчук, свеж или замрзнат, но не е лош ниту конзервираниот.

Кога станува збор за најдобрата храна што може да се купи во конзерва, зеленчукот сигурно е на оваа листа, бидејќи е конзервиран во полна зрелост, па е сѐ уште хранлива опција.

Освен тоа, конзервираните зеленчуци се лесни за складирање и никогаш не треба да се грижите за тоа дека ќе изгубат на свежина ако не ги консумирате брзо по купувањето.

Исто како и мешунките, изберете ја опцијата со најниска содржина на натриум.

Риба

Лососот, туната и сардината се одлична конзервирана храна. Тие се „поефтина и лесна опција за да се снабдите со протеини и омега-3 масни киселини и поздрави се за срцето од свежите.

Во салата, во сендвич или на некој друг начин, тие се секогаш здрав избор за брз ручек. Конзервираната риба е навистина економичен начин да се добијат некои протеини и здрави масти.

Најлоши:

Супа

Кога станува збор за супа, навистина треба да бидете внимателни. Повеќето видови на конзервирани супи имаат висок процент на натриум, а тоа е невозможно да се „исплакне.

Паста

Честопати тестенините можат да содржат навистина висок процент на натриум. Наместо веќе подготвени тестенини, одвојте 10 минути повеќе за да ги подготвите сами.

Овошје

Кога може да имате свежо овошје, навистина не ви треба овошје во конзерва со сите можни сокови и сирупи. Овошјето е слатко само по себе. Конзервираните плодови имаат „цел тон“ конзерванси и шеќерен сируп па не можеме да ги сметаме за здрава опција.

Иако конзервираната храна често ја носи стигмата дека е помалку здрава опција, постојат неколку исклучоци. Конзервирањето на храната е стара практика која овозможува храната да се чува долго време и го спречува развојот на микроорганизми кои можат да ја расипат. Но, нутриционистите истакнуваат дека не треба да се ставаат сите конзервирани производи во иста корпа.

Овошјето и зеленчукот често ја задржуваат својата јадливост и хранливи материи преку процесот на конзервирање, бидејќи микроорганизмите се елиминираат. Сепак, особено се издвојува една категорија на конзервирана храна, а тоа е рибата.
Експертите истакнуваат дека конзервираната риба, како што е сардината, нуди изненадувачки здрава опција. Сардините се извор на висококвалитетни протеини кои се одржливи и брзо се подготвуваат. Покрај тоа, тие содржат помалку жива во споредба со многу други видови риби, што ги прави еден од најпосакуваните извори на морска храна, особено кога свежа риба не е достапна.

Нутриционистот д-р Џес Кординг забележува дека конзервираните сардини обезбедуваат значителни количини на протеини, витамин Д и омега-3 масни киселини, кои се познати по своите антиинфламаторни својства. Дополнително, маслиновото масло во конзервите додава здрави мононезаситени масти.

Јадењето риба со малку жива се препорачува два до три пати неделно, а сардините се совршен начин да се исполни таа препорака. Д-р Кординг дури предлага различни начини да ги јадете, вклучително и додавање на сардини во тестенини, сирење или крекери за здрава ужина. Можете дури и да ги пасирате и да ги додадете во салати за дополнително внесување на хранливи материи.

Така, сардините станаа неочекувана суперхрана која го чува вашето здравје и обезбедува многу корисни хранливи материи. Затоа, следниот пат кога ќе размислувате за конзервирана храна, не заборавајте на овие мали риби кои имаат големи придобивки за вашето тело.