Не е ни чудо што социјалните мрежи се полни со совети за намалување на стресот. И додека некои од нив би можеле да се класифицираат како народни приказни, други можеби сепак вреди да се сфатат сериозно.

Најпопуларниот во моментов?

Рецепт за вирален пијалок кој наводно ги намалува нивоата на кортизол, ја враќа енергијата, ја ублажува напнатоста и помага во балансирањето на хормоните. Освен што има привлечно име – кортизол коктел – се поставува прашањето: дали има вистина во тоа?

Што е кортизол?
Прво, кортизолот е хормон што го произведуваат надбубрежните жлезди како одговор на стресот. Под нормални околности, кортизолот е вреден сојузник за телото, играјќи клучна улога во регулирањето на метаболизмот, воспалението и нивото на шеќер во крвта, а исто така влијае и на нашиот циркадијален ритам (внатрешен биолошки часовник).

Тој е од суштинско значење за преживување, па затоа целта не е целосно да се елиминира од телото – но постои нешто што го нарекуваме премногу кортизол. Кога нивоата на овој хормон се постојано покачени, телото не може да се врати во рамнотежа. Наместо тоа, остануваме во состојба на хроничен стрес.

Рецепт за „кортизол-коктел“

200 мл кокосова вода
сок од ½ лимон
50 мл сок од портокал
1 лажичка магнезиум во прав
¼ лажичка ситна сол
минерална (газирана) вода по вкус
Измешајте ги сите состојки, додадете газирана вода по вкус и послужете ладно.

Зошто делува „кортизол-коктелот“?

Секоја состојка во овој коктел е внимателно избрана поради нејзините корисни ефекти врз здравјето: сол, магнезиум, портокал и лимон. Секој одделно има свои предности – но што е со комбинацијата?

Епа токму затоа овој пијалак стана вирален. Натриумот, калиумот и шеќерите заедно создаваат совршена мешавина што му дава на телото дополнителен поттик. Од друга страна, кокосовата вода ја поттикнува хидратацијата и му дава на пијалакот нежен, пријатен вкус.

Тоа е безалкохолен коктел што може барем на момент да ве однесе некаде далеку, можеби на одмор, а во исто време дејствува против негативните ефекти на кортизолот и помага во смирување на умот.