Краставицата е исклучително корисна хранлива намирница со моќни позитивни ефекти врз телото. Нејзиниот состав е речиси целосно без маснотии, а благодарение на огромниот процент на вода (околу 96 проценти) и занемарливата содржина на калории, таа е идеален избор за секој што сака да остане слаб или да следи посебни здравствени режими од здравствени причини.

Зошто краставицата е ризница на хранливи материи

Иако на прв поглед се состои речиси исклучиво од вода, краставицата е полна со вредни елементи. Покрај влакната што го олеснуваат варењето, содржи витамини Ц и К, значителни количини калиум, магнезиум и манган. Она што е помалку познато е дека краставицата припаѓа на овошјето, а не на зеленчукот.

Срцето и крвните садови под заштита на флавоноиди

Флавоноидите на краставицата имаат антиинфламаторни својства и помагаат во регулирањето на нивото на холестерол. Лабораториските студии покажуваат дека екстрактот од кора може да го намали шеќерот во крвта и да ги ублажи ефектите од дијабетес тип 2, благодарение на намалувањето на оксидативниот стрес, процес кој игра клучна улога во развојот на хронични заболувања.

Помалку позната придобивка – поддршка на здравјето на бубрезите

Поради високата содржина на вода и калиум, краставицата делува како природен диуретик. Научните студии сугерираат дека редовната консумација може да помогне во спречувањето на формирање на бубрежни камења и да ја олесни работата на уринарниот систем.

Скриени ефекти врз мозокот и нервниот систем

Исто така, помалку е познато дека краставицата содржи флавонол фисетин, супстанца која е поврзана со заштитата на функцијата на мозокот. Според истражувањето објавено во списанието Aging Cell (2013), фисетинот може да го забави когнитивниот пад и да го намали ризикот од невродегенеративни нарушувања како што е Алцхајмеровата болест.

Полесно губење на тежината и рамнотежа во дигестивниот тракт

Благодарение на комбинацијата од вода и растворливи влакна, краставицата придонесува за чувство на ситост без дополнителни калории. Во 300 г, има само околу 45 калории, што ја прави идеална за диети за намалување на маснотиите. Покрај тоа, нејзините пребиотски состојки ги хранат корисните бактерии во цревата, со што го поддржуваат здравјето на цревната флора и поефикасното варење.

Краставицата како еликсир за кожа, коса и очи

Покрај тоа што го хидрира телото одвнатре, краставицата е природен сојузник на убавината. Витаминот Ц и цинкот го стимулираат обновувањето на кожата, додека рибофлавинот ја зајакнува структурата на косата и го спречува нејзиното кршење. Фисетинот и другите антиоксиданти го забавуваат појавувањето на брчки и губењето на еластичноста. Затоа, не е изненадувачки што краставицата традиционално се користи во маски и облоги за уморни очи и изгореници од сонце.

Дали е покорисно да се јаде нелупена краставица, мит или вистина?

Кората го крие најголемото богатство – витамин К, клучен за здравјето на коските и крвните садови. Една голема нелупена краставица покрива повеќе од половина од дневните потреби за овој витамин. Покрај тоа, кората содржи и концентрирани антиоксиданти кои придонесуваат за зајакнување на имунитетот и забавување на стареењето на клетките. Затоа, добро измијте ја во вода или раствор од вода и сода бикарбона и јадете ја заедно со кората.

Нискокалорични и освежителни, краставиците се идеална летна храна. Со дури 90 проценти вода, тие се одлични за хидратација, а исто така се и диуретик. Содржат широк спектар на минерали и витамини, влакна и супстанции кои дејствуваат како антиоксиданти. Тие се извор на калиум, фосфор, калциум, магнезиум, железо, цинк, манган, бакар и селен, како и витамини Ц и К и повеќето витамини од групата Б.

Моќта на краставиците лежи во голема мера во силициумската киселина што ја содржи во траги. Таа го одржува доброто здравје на сврзното ткиво, мускулите, коските и го подобрува тенот.

Еве четири лесни и вкусни рецепти за летен ручек со краставици

Ладна летна супа

Состојки за четири лица:

2 краставици
2 дл кисело млеко или грчки јогурт
1 чешне лук
1 китка свеж копар
1 китка магдонос
сол и бибер
нане
цветови од лаванда
1 лажица маслиново масло
Подготовка:

1. Излупете ги краставиците и извадете ги семките, исечете ги.
2. Ставете ги во блендер со зачините.
3. Оставете да се излади и додадете ги преостанатите листови од нане и неколку цветови од лаванда пред сервирање.

Салата како летен оброк

Состојки за четири лица:

1 краставица
½ кг млади компири
10 чери домати
сенф со мед
јогурт
сол и бибер
1 лажица маслиново масло
јаболков оцет
Подготовка:

1. Сварете ги младите компири со лушпа.
2. Исечете ја краставицата со лушпа, отстранете ги семките.
3. Додадете свеж копар.
4. Направете дресинг од сенф, сол, јогурт, бибер, маслиново масло и оцет.
5. Прелијте ги млаките компири за подобро да се апсорбираат.

Краставици полнети со туна и павлака

Состојки за четири лица:

2 краставици
1 конзерва туна
2 лажици павлака
листови од магдонос
1 лажица паштета од црни маслинки
1 лажица мелен лен
Подготовка:

1. Исечете ги краставиците дебело по ширината, а потоа издлабете ги за да можат да се полнат.
2. Наполнете ги со филот од туна и крем.
3. Одозгора ставете паштета од маслинки.
4. Посипете со ленено семе или мелен лен. Јадете ладно.

Краставиците се вечна асоцијација за лето и за добра хидрација. Но содржат и мноштво нутриенти, како што се витаминот К, бакарот, калиумот, витаминот Ц и манганот. Покрај сите наброени нутриенти краставиците содржат и единствени полифеноли  и останати компоненти  кои можат да го намалат ризикот од многу хронични болести.

Зошто би требало да јадете што повеќе краставици?

Го штитат мозокот

Краставиците содржат антивоспалителни флавоноли кои се викаат фисетини и кои играат важна улога кога станува збор за здравјето на мозокот.

Тие помагаат за подобрување на помнењето и ги штитат нервните клетки од заборавноста која е поврзана со староста. Истражувањата покажале дека фисетинот е важен за превенција на Алцхајмеровата болест.

Го намалуваат ризикот од канцерогени болести

Краставиците содржат и полифеноли кои се викаат лигнани и можат да го намалат ризикот од настанување на рак на дојка, матка или на простата. Исто така, содржат фитонутриенти кои исто така штитат од карцином.

Се борат против воспаленија

Со помош на краставиците можете да ги ублажите воспалителните процеси во организмот, а истражувањата кои се спроведени над животни, покажале дека екстрактот од краставица може дури и да ја спречи појавата на воспаленија.

Богати се со антиоксиданти

Во краставиците има бројни антиоксиданти вклучувајќи ги и најпознатите, витамин Ц и бета каротен. Тука се и антиоксидантите флавоноиди како кверцетинот, апигенинот, лутеолинот и каемпферолот, а од сите нив нашиот организам има повеќекратна полза.

Го намалуваат нивото на стрес

Краставиците содржат повеќе витамини Б, меѓу кои се B1, B5 и B7 или биотин. Витамините од Б семејството се познати како  силни борци против стресот.

Го подобруваат варењето и здравјето на дигестивниот тракт

Краставиците се многу богати со елементи кои се клучни за доброто варење, а тоа се влакната и водата. Ако ве мачи желудочна киселина, би требало да знаете дека пиењето вода може да ги ублажи акутните симптоми такашто привремено ја крева pH вредноста на стомакот, се верува дека водата од краставиците има еднаков ефект. Кората од краставиците содржи невпивачки влакна кои помагаат столицата да бида помека и поредовна.

Помагаат да ја одржите здравата телесна тежина.

Овој зеленчук содржи многу малку калории, а прилично заситува па е одлична ужина доколку сте на диета. Влакната кои се наоѓаат во краставиците се раствараат во нешто налик на гел во вашите црева и го забавуваат варењето. Сето тоа резултира со тоа што сте подолго сити и немате потреба за храна.

Добри се за здравјето на срцето

Краставиците содржат калиум, кој се поврзува со снижениот крвен притосок, а избалансираното ниво на калиум во организмот е од голема важност за многу телесни функции.

Совет: За да траат подолго краставиците, треба да се чуваат на собна температура. Исто така треба да се чуваат подалеку од овошје и зеленчук што во себе содржи етилен, како бананите и доматите. Кога станува збор за исечена краставица, чувајте ја во затворен сад во фрижидер, колку да се излади, но не подолго од 48 часа.

Високите летни температури продолжуваат да ја покажуваат својата сила, а со нив и нашата потреба за полесни, освежителни оброци.

Нашите тела природно бараат храна која лесно се вари, притоа обезбедувајќи ја потребната хидратација и хранливи материи кои ќе нè закрепнат.

Одличен пример за тоа се хранливите смути чии состојки не освежуваат и ни помагаат да ја одржиме енергијата во текот на денот.

Освежителен пијалак од лубеница и краставици

Смути од лубеница и краставици што ќе ве разлади и ќе му обезбеди на телото мало хранливо богатство, но и ќе обезбеди многу електролити.

Состојки:

шолја лубеница, исечена на коцки
1/2 шолја краставица, излупена и исечкана
Сок од 1 лимета
Грст свежи листови од нане
шолјичка кокосова вода
6 грама електролит во прав со вкусот што го сакате

Приготвување:

Во блендер измешајте лубеница, краставица, сок од лимета, листови од свежо нане, кокосова вода и електролит во прав.

Мешајте додека сите состојки добро не се соединат и изедначат.
Истурете во чаша, украсете со гранче нане и уживајте.

Многу минерали и витамини

Лубеницата не само што е вкусна, туку содржи и до 92 проценти вода, што ја прави идеална хидратантна храна.

Покрај тоа, тој е исклучително богат со витамин Ц и помала количина на калциум, железо, магнезиум, калиум и витамин А.

Краставиците дополнително ќе ја завршат задачата за хидратација на организмот, во кој ќе ги внесете и минералите калиум, фосфор, калциум, магнезиум, железо, цинк, манган, бакар и селен.

Краставиците ќе придонесат и за внесување на витамините Б, Ц и К.

Кокосовата вода ќе послужи како одличен природен електролит, а со овие додадени во форма на прав, нема страв од низок крвен притисок.

Состојки:

Оладена лубеница без семки, исечена на коцки
Краставица исечена на четвртинки
Парче фета сирење, исечкано на коцки
Свеж копар, сечкан
Свежи листови босилек, сечкани или цели

За прелив:

маслиново масло

сок од 2 лимети

малку мед

сол, црн пипер

Приготвување:

Во голем сад измешајте ги изладената лубеница, краставиците, сирењето, копарот и босилекот.

Направете го преливот така што ќе ги соедините сите состојки во тегла.

Протресете. Прелијте ја салатата од лубеница и нежно растресете.

Послужете веднаш.

.

View this post on Instagram

A post shared by Sherry // Easy Recipes + Dinner Ideas (@sherryhour)

Една голема, неизлупена краставица содржи 62 отсто од препорачаниот дневен внес на витамин К. Тој е потребен за активирање на некои протеини вклучени во процесите на згрутчување на крвта, а не е занемарлива ниту неговата улога во метаболизмот на коските и другите ткива.
Имено, голем дел од она што ја прави краставицата хранлива се наоѓа токму во кората.

Исто така, големата краставица без отстранета кожа содржи 6 отсто од дневната вредност на витамин А и 14 отсто од дневната вредност на витамин Ц, што всушност значи дека е одличен сојузник во одржувањето на здравјето на имунолошкиот систем.

Од него можете да добиете и дневна доза на витамини од групата Б, како и тиамин, рибофлавин, Б6 итн. кои го снабдуваат телото со енергија потребна за функционирање на срцето и мозокот.
Кората од краставица е добра и во исхраната, но мора да се погрижиме да биде добро измиена.
Ако, сепак, преферирате излупени краставици, треба да знаете дека кората не мора да ја фрлате, туку можете да ја изрендате и да ја измешате со сирење, сенф и друг зеленчук.

Дополнително, доколку имате деца, добро ќе ви дојде трикот со кора од краставица за да ја отстраните трагата од боици или од фломастери од ѕидот.

Она што треба да го направите е да ја истриете валканата површина со надворешната страна на лушпата.

Летото ни носи многу активности и дружење на отворено, што лесно може да ја изгори кожата, па секогаш е корисно при рака да имате природен лек за изгореници. За време на сезоната на капење и сончање, УВ зрачењето е најсилно. Прекумерното изложување на сонце може да предизвика изгореници кои предизвикуваат оштетување на клетките на кожата.

Кога тоа ќе се случи, нашето тело иницира одбранбен имунолошки одговор во кој ги уништува оштетените клетки. Слоевите на мртвото ткиво се лупат, така што новите клетки ги заменуваат старите. Во исто време, телото произведува дополнителен меланин – заштитен пигмент кој подобро го апсорбира УВ зрачењето, за да спречи идни оштетувања.

Исцелување изгореници
Изгорениците од сонце обично добро заздравуваат сами по себе. За да се забрза процесот на заздравување, се препорачува одмор, избегнување на сонце, хидратација на телото и навлажнување на кожата.

Изгорениците од прв степен влијаат само на надворешниот слој на кожата. Симптомите вклучуваат црвенило, печење, осетливост и мало затегнување на кожата.

За да ги излечиме благите изгореници, треба да му дадеме време на нашето тело природно да ја замени оштетената кожа. Благите изгореници треба да исчезнат во рок од 3-5 дена.

Потешките изгореници од сонце влијаат на подлабокиот слој на кожата и им треба подолго време за да заздрават. Тие се придружени со појава на плускавци, воспаление, чешање, печење и болна чувствителност на кожата. Во случај на тешки изгореници, кожата почнува да се лупи по приближно 4-7 дена. Важно е да не ги допирате, туку да им дозволите природно да се обноват.

Силното изложување на сонце кое доведува до потешки изгореници може да доведе и до топлотен удар. Топлотниот удар предизвикува симптоми како што се висока температура, вртоглавица, дехидрација, гадење, повраќање и несвестица. Во овој случај, веднаш треба да се јавите кај вашиот лекар.

Изгореници од сонце – природно лекување
Не постои специфичен или совршен природен лек за изгореници од сонце. Како што рековме претходно, едноставно потребно е одредено време за да се залечи кожата. Сепак, можно е да се ублажат болките, затегнатоста и непријатноста.

Ви носиме совети кои се препорачуваат за лекување на изгореници кај деца и возрасни и за полесно заздравување.

Облози со ладен чај
Изгорениците од сонце во основа се воспаление на кожата, а наједноставниот начин за негово лекување е ладење на погодената област. Ставањето ладна облога на кожата е едноставен природен лек за изгореници од сонце. Нанесете ја што побрзо бидејќи значително ќе го намали непријатното чувство на печење и затегнатост на кожата.

Доколку е потребно, сварете еден литар црн чај, чај од нане или камилица и изладете го. Натопете чиста крпа во чајот и нанесете ја на погодената област за моментално ублажување на болката и смирување на непријатноста.

Танинската киселина во црниот чај го црпи вишокот топлина од кожата и помага да се врати рамнотежата на pH вредноста, што го прави добар природен лек за изгореници од сонце.

Можете да додадете мента во црниот чај за подобар ефект на ладење. Нанесете кесички чај од нане натопени во ладна вода на очните капаци за да ги смирите изгорениците и да го намалите воспалението во таа област.

Изгореници кај деца – природен лек
Користете чај од камилица за изгореници кај деца за ублажување на симптомите. Бидејќи чајот е сосема природен, тој е вистински домашен лек за лице.

Природна терапија со ладна бања
Подгответе ладна бања во када за да ја изладите и смирите кожата изгорена од сонце. По желба можете да додадете:

една чаша јаболков оцет – оцетот ја балансира pH вредноста на кожата и го промовира нејзиното заздравување
една чаша овесни снегулки – овесот ја смирува иритацијата, го намалува воспалението и ѝ помага на кожата да ја задржи природната влажност
неколку супени лажици сода бикарбона – ги ублажува иритацијата и црвенилото.
Потопувањето во ладна бања за време од 15-20 минути помага да се намали оштетувањето од сонцето.

Хидрирајте ја кожата со гел од алое вера
Ако не знаете што да нанесете на изгорениците, посегнете по гелот од алое вера! Ова растение содржи лековити растителни материи кои го намалуваат воспалението, хидрираат и го спречуваат лупењето на кожата, па затоа секогаш се препорачува во хербалната медицина како природен лек за изгореници.

Гелот во ова чудотворно растение од семејството на кактуси со векови се користи за секакви тегоби, од стомачни до инфекции на бубрезите. Исто така е одличен лек за изгореници бидејќи ја ублажува непријатноста, ја намалува болката, го забрзува заздравувањето и ја навлажнува и регенерира кожата.

Отсечете парче од листот на растението и нанесете го гелот директно на кожата за моментално, смирувачко олеснување. За изгореници кај децата, алое верата е најдобриот природен лек бидејќи го намалува чешањето и воспалението.

Можете да го користите и орално за дополнителна хидратација на телото и за неговите безброј придобивки.

Ако не можете да го најдете растението, можете да најдете 100% гел од алое вера во повеќето аптеки.

Помогнете си со намирници од фрижидерот
За лекување на изгореници во народната медицина се препорачуваат ладно млеко, јогурт или краставици.

Нанесете облогс од ладно млеко на кожата. Млекото ќе создаде протеински филм кој помага во ублажување на непријатноста од изгореници од сонце.
Како млекото, така и јогуртот е природен лек бидејќи го забрзува заздравувањето и ја смирува иритираната и оштетена кожа.
Краставицата има природни антиоксидантни и аналгетски својства. Ја ублажува болката, а бидејќи ја лади и кожата е познат природен лек против изгореници. Изладете ги краставиците и изблендирајте ги во блендер за да направите паста. Нанесете ја пастата на погодената област, држете ја околу 25 минути и измијте ја со ладна вода.

Третирајте ја кожата со хидратантни креми
По првичниот третман, на вашата кожа сè уште ќе ѝ треба нега. Една од најважните работи што можете да ги направите за да го спречите или минимизирате лупењето на кожата е редовно да нанесувате хидратантна крема на погодените области.

Природните креми за чувствителна или детска кожа на база на хамамелис, камилица, кантарион или невен се идеални бидејќи ја регенерираат кожата, го намалуваат воспалението и помагаат во ублажување на црвенилото и изгорениците од сонце.

Избегнувајте путер и каладонт!
Иако путерот се препорачува како еден од многуте домашни лекови за изгореници што многумина го користат како прва помош, тој треба да се избегнува бидејќи ќе го одложи заздравувањето. Имајќи предвид дека е неопходно да се изладат изгорениците од сонце, путерот ќе ја зароби топлината под слоевите на кожата и дополнително ќе ја загрее.

Каладонтот за изгореници ќе го има истиот ефект и двата само ќе го продолжат процесот на заздравување.

Најдобар крем за изгореници – домашен рецепт
Овој едноставен, смирувачки мелем прави чуда при изгореници од сонце. Домашната крема содржи природни состојки кои можат да ги користат и децата и возрасните. Таа помага да се отстранат топлината, црвенилото и ја навлажнува кожата. Ја ублажува непријатноста и ги лекува изгорениците благодарение на етеричното масло од кокос, алое вера и лаванда.

Кокосовото масло е најдоброто масло за изгореници бидејќи има ефект на ладење и регенерирање на кожата, како и гелот од алое вера. Со комбинирање на овие две состојки ќе добиете фантастична, хидратантна и хранлива крема против изгореници. Додавањето на есенцијално масло од лаванда дополнително помага да се смири воспалението и да се забрза регенерацијата на кожата.

Состојки:
1/4 чаша кокосово масло (екстра девствено)
1/4 чаша гел од алое вера
10 капки есенцијално масло од лаванда.

Приготвување:
Измешајте еднакви количини кокосово масло и гел од алое вера.
Додадете 10 капки масло од лаванда.
Измешајте ги сите состојки додека не добиете кремаста текстура.
Добиениот крем чувајте го во мали, стерилни тегли.
Чувајте го овој домашен крем при рака цело лето, дома или во вашата чанта за плажа. Користете го за целото семејство, за ладење и заздравување на кожата после сончање.

Ако сте љубители на кисели краставички, сигурно ќе ви се допаднат и овие вкусни и крцкави сецкани кисели краставици. Тие се толку лесни за правење без мака за конзервирање и имаат многу подобар вкус од купечките! Количината на наведените состојки е доволна за една тегла, а доколку сакате повеќе, слободно зголемете ги дозите.

Состојки:

За една тегла:

1 средна краставица, исечкана на коцки
1 лажичка семе од коријандер
1 лажичка семе од анасон

1 лажичка копар
1 ½ шолја бел дестилиран оцет
1 лажичка шеќер
2 лажички морска сол

Приготвување:

Краставицата исечкајте ја на коцки, прстени или стапчиња и ставете ги во тегла заедно со зачините.

Ставете дестилиран бел оцет, шеќер и сол во мало тенџере. Оставете да зоврие на средна топлина и мешајте додека солта и шеќерот целосно не се растворат. Оставете ја смесата да се излади во фрижидер најмалку 30 минути до 1 час. Кога ќе се излади, прелијте ги краставиците додека не се наполни теглата. Краставиците треба да бидат целосно потопени. По потреба додадете уште оцет или малку вода за да ги покриете.

Цврсто затворете и протресете да се соедини. Потоа ставете ја теглата во фрижидер најмалку 1 час. Вкусовите ќе се продлабочуваат и интензивираат колку подолго се маринира. Најдобриот вкус се постигнува по 24 часа.

Краставиците се главната состојка во многу летни салати. Тие се многу здрави и се идеална храна за топлите денови, бидејќи содржат 96 отсто вода, поради што совршено го хидрираат нашето тело.

Од друга страна, токму тоа е една од причините зошто брзо се расипуваат, скапуваат и стануваат кашести. За среќа, постојат трикови како да ја продолжите нивната свежина до две недели, и да ги направите крцкави како штотуку да сте ги купиле.

Се што ви треба е хартиена салфета и пластична кеса за замрзнување. Прво добро измијте ги под млаз вода и оставете ги да се исушат или добро избришете ги со крпа. Кога ќе се исушат, завиткајте ги во хартиена салфета, но секоја посебно, за да не се допираат и ставете ги во кеса за замрзнувач.

Салфетата ќе го впие вишокот на влага, но не затворајте ја кесичката целосно, оставете ја подотворена за да може воздухот слободно да циркулира. Вака спакуваните краставици чувајте ги во фрижидер.

Свежината на краставицата можете да ја продолжите и така што ќе ја чувате во пластичен сад со капак, но трикот е да ја чувате во вода со додадена малку сода бикарбона. Сода бикарбоната ќе ги убие сите бактерии на површината на кората, кои предизвикуваат гниење и расипување на овошјето и зеленчукот. На овој начин краставицата ќе остане свежа неколку недели.