Зимата е време за крофни. Иако е десерт што повеќето луѓе го јадат без грижа на совест барем еднаш годишно, многумина се заинтересирани колку калории всушност има крофната, колку шеќер содржи и колку масти консумираме со оваа омилена закуска. Подолу ви донесуваме конкретни бројки, како и неколку интересни факти што можеби не сте ги знаеле.

Класична крофна со џем – калорична бомба или безопасна закуска?

Просечна крофна со џем, со тежина од околу 70 до 80 грама, содржи:

околу 250 до 300 калории
12 до 15 грама масти
30 до 35 грама јаглехидрати
10 до 15 грама шеќер
Ова значи дека една крофна може да содржи до три коцки шеќер, во зависност од количината на фил и дополнителни додатоци. Поголемиот дел од калориите доаѓаат од комбинацијата на бело брашно, шеќер и масло во кое се пржи тестото.

Чоколадните и полнетите верзии имаат уште повеќе калории
Крофните полнети со чоколаден крем или ванила и оние прелиени со чоколадо или глазура често надминуваат 350 калории по парче.

Ваквите варијанти можат да содржат:

18 до 22 грама масти
20 или повеќе грама шеќер
Тоа е количина шеќер што е близу до половина од препорачаниот дневен внес за возрасен.

Зошто крофните се толку богати со калории?

Главната причина е начинот на подготовка. Крофните се пржат во длабоко масло, а тестото апсорбира дел од мастите за време на пржењето. Покрај тоа, тоа е комбинација од брзи јаглехидрати и масти, што е енергетски многу густо.

Таквата комбинација брзо го зголемува нивото на шеќер во крвта, но исто така доведува до пад на енергијата исто толку брзо, што може брзо да доведе до чувство на глад.

Интересни факти што можеби не сте ги знаеле
Печена крофна од рерна може да има до 30 проценти помалку калории од пржената. Често јадеме мини крофни во големи количини и на крајот внесуваме повеќе калории отколку со една класична. Разликата во калориите помеѓу крофна со џем и онаа со чоколадо може да биде повеќе од 100 калории.

Дали треба да се откажеме од крофните?
Една крофна нема значително да влијае на телесната тежина ако остатокот од нашата исхрана е избалансиран. Проблемот се јавува кога јадеме две, три или четири, што често се случува.

Умереноста е клучна. Ако мора да изберете, крофна со џем и без дополнителна глазура обично е малку помалку калоричен избор.

Овие крофни се мрсни толку колку што во својот состав содржат путер, но не се мрсни поради пржење во длабок зејтин како што обично се прават крофните.

Направени се во рерна и навистина се многу вкусни и лесни за правење.

Состојки:

1 сув квасец

1 кесичка ванилин шеќер

2 јајца

100 г шеќер (ако ги полните со мармалад или со еурокрем, не ставајте воопшто шеќер)

прстофат сол

140 г растопен путер

250 мл млака вода

250 мл млако млеко

1 кг и 100 г брашно

уште 70-100 г путер за премачкување

шеќер во прав за поросување

Приготвување:

Квасецот измешајте го со брашно и ванилин шеќер. 

Додадете јајца, вода, млеко и растопен путер, па замесете меко тесто. Покријте го и оставете го да стаса.

Потоа растегнете го на подебела кора (околу 1-1,5 цм) и вадете тркалца со помош на малку поширока чаша.

Наредете ги врз мрсна хартија во голема тепсија, премачкајте ги со растопен путер и почекајте да стасаат уште 15 минути па ставете ги да се печат во загреана рерна, на 200 степени околу 15-20 минути.

Во меѓувреме, повторете ја постапката со останатото тесто (од оваа количина излегуваат две тепсии, а доколку сте дома помалку луѓе, преполовете ја дозата).

Кога ќе се испечат крофните, повторно премачкајте ги со путер додека се топли и поросете ги со шеќер во прав.

Она што е особено привлечно за овој рецепт кој бргу стана вирален на социјалните мрежи, е брзината на подготовката, поради што толку многу луѓе побрзаа да го испробаат. За само неколку минути можете да ги исечете јаболката, да го обликувате тестото и да ги направите овие крофни за печење, а резултатот е вкусно уживање кое ќе ги воодушеви сите ваши гости. Затоа овој рецепт е совршено решение за оние моменти кога немаме премногу време, и кога сакаме да послужиме вкусен десерт. Иако едноставноста на подготовката веројатно ќе ве поттикне да го пробате, сосема сме сигурни дека ова ќе стане омилено уживање меѓу вашите пријатели и семејството. Најдете го рецептот подолу:

Состојки:

2 јаболка
1 правоаголно лиснато тесто
50 гр кафеав шеќер (приближно)
1-2 лажички цимет
Половина лажичка сол
Млеко или растителен напиток за натопување на крофните

Приготвување:

Прво излупете ги јаболката и исечете ги на тенки кришки со дупче во средината. Потоа развлечете го лиснатото тесто на работната површина и исечете го на ленти широк околу 2-3 сантиметри. Секое парче јаболко замотајте го со лента тесто, потопете го во млеко или растителен напиток по ваш избор и поросете го со кафеав шеќер, цимет и малку сол за дополнителен вкус.
Ставете ги „крофните“ на плех и печете ги во загреана рерна на 180ºC околу 20-25 минути или додека не поруменат. Препорачуваме да ги послужите со топка сладолед од ванила!

View this post on Instagram

A post shared by Erin Silberman (@seriousfoodfetish)

Кога ќе дојдат деновите на постот, домаќинките се трудат да најдат начин домашните, како и обично, да уживаат во гастрономските деликатеси. Крофните се добредојдени на секоја маса, а сега ви најдовме посен рецепт кој ќе направи да се чувствувате како да сте се вратиле во детството.

Честопати е потребно многу време за да се подготват крофни, но секој труд вреди. Поросени со шеќер во прав, наполнети со џем или крем, какви и да се, идеални се за секоја пригода и во секое време од денот.

Еве како да ги направите највкусните посни крофни по рецепт на нашите баби.

Состојки:

250 мл млака вода
40 гр свеж квасец
половина кг брашно
50 гр маргарин
2 лажици шеќер
шеќер во прав
2 ванилин шеќер

Приготвување:

Земете пластичен сад во кој ќе ги подготвувате крофните, а потоа ставете во него млака вода и една лажичка шеќер. Потоа додадете го издробениот квасец и една лажица брашно и промешајте за брзо да се раствори квасецот. Кога е готово се додаваат брашното, стопениот маргарин и шеќерот.

Тестото се замесува со рака да биде меко, не смее да биде тврда смеса.

Оставете го на топло место околу 20 минути да нарасне, а кога речиси ќе се удвои, истурете го на набрашнета работна површина.

Расукајте со сукало и со чаша вадете кругови, крофни, па наредете ги врз хартија за печење и печете во рерна околу 15 минути на 220 степени.

Откако ќе се испечат, поросете ги со шеќер во прав или наполнете ги со џем.