Во светот денес се зголемува бројот на луѓе кои најчесто поради зголемен стрес имаат проблеми со срцето, како што се аритмија, тахикардија или забрзана работа на срцето и ангина пекторис…

И додека медицината нуди бројни синтетички лекови за срцето, постои еден ефикасен природен рецепт стар повеќе од 800 години.

Станува збор за вино од магдонос, еликсир за срцето кое во средниот век го измислила германската бенедиктинка и визионерка Хилдегард од Бинген, инаку позната како поддржувач на умерениот живот, природната храна и растителните лекови.

Виното од магдонос, кое таа го смислила, е лек за најтешките срцеви заболувања, како и за ревматски болки и срцева слабост, а особено им се препорачува на постарите лица.

Овој Хилдегард тоник за срцето може да помогне и при стрес, како и зголемен замор и анксиозност.

Се препорачува и при преоптоварување на срцето за време на сезоната на настинки и грип.

Интересно е што овој нејзин природен рецепт го прифатиле дури и лекарите, а гласот за него го проширила познатата австриска билкарка Марија Требен.

Состојките вклучени во овој лек за срце се вино (по можност домашно), магдонос, оцет и мед.

Вино – древен народен лек

Виното уште од многу одамна е познато како еликсир за здравје – важно е само да се биде умерен со неговата количина. Уште во библијата се спомнува „вино што го развеселува човечкото срце“.

Хилдегард исто така верувала дека умереното консумирање на домашно вино е составен дел од здравиот начин на живот.

Меѓу другото, таа верувала дека виното дополнително ја поттикнува циркулацијата.

Виното станува уште полековито ако му се додадат некои здрави билки. Во овој случај, тоа е магдоносот.

Магдонос – за циркулација и здрави крвни садови

Оваа зелена билка, освен што е одличен диуретик, богата е и со фолати (витамин Б9), кои помагаат во спречување на срцеви заболувања.

Фолатите, всушност, помагаат да се претвори хомоцистеинот, кој може да ги оштети крвните садови и да го зголеми ризикот од срцев удар, во бенигна молекула.

Магдоносот содржи и есенцијални масла, кои исто така имаат корисен ефект врз работата на срцето и циркулацијата.

За најдобри лековити својства, секогаш избирајте темно зелен свеж магдонос без жолти листови.

Мед – за понизок крвен притисок и регулација на отчукувањата на срцето

Во овој народен лек, медот се додава на виното и магдоносот. Овој популарен пчелен производ е одличен извор на антиоксиданти.

Според едно истражување, медот помага да се намали крвниот притисок, да се регулираат отчукувањата на срцето и да се спречи смртта на здравите клетки.

Благодарение на сето ова многу поволно делува на здравјето на срцето и крвните садови.

За рецептот на Хилдегард изберете висококвалитетен домашен мед бидејќи е најбогат со антиоксиданти, кои се клучни за кардиоваскуларното здравје.

Природен лек за срцето – рецепт за вино од магдонос

Состојки:

10 стебленца свеж магдонос
1 л домашно црвено вино
2 лажици вински оцет
300 гр мед

Приготвување:

Во тенџере истурете литар домашно вино и 2 лажици вински оцет. Додадете ги стебленцата од магдонос заедно со листовите, оставете да зоврие и да се вари околу 10 минути.

Потоа додадете мед и продолжете со готвењето уште 3-4 минути.

Процедете и истурете во стерилизирани шишиња. Добро затворете. Слободно можете да го консумирате и талогот што се создава.

Употреба:

Пијте 1-3 лажици вино од магдонос секој ден, додека не забележите подобрување.

Во случај на тешки срцеви заболувања, конзумирајте го овој напиток подолг временски период.

Во случај на палпитации на срцето, можете да пиете и поголеми количини од овој природен лек – додека срцето не се смири.

Земете вино од магдонос во случај на болка во пределот на срцето, палпитации, стегање во градите.

Овој природен лек е одличен и за несоница. За оваа намена испијте половина чаша пред спиење.

Ова вино е добра помош при хронични ревматски заболувања, како и при опоравување од срцев удар.

Ако сте загрижени затоа што медот треба да се вари, во овој случај тоа има добра причина.

Имено, со варење на медот во алкохол се создаваат добри состојки за срцето и циркулацијата – гликозиди.

Свежите билки не се само декорација на вашата чинија – тие се извор на витамини, ароми и вкусови што го претвораат секое јадење во вистинско кулинарско задоволство.

Сепак, многумина од нас барем еднаш се соочиле со разочарувањето од венеењето на магдоносот, копарот или босилекот по три дена во фрижидер. Со неколку едноставни чекори, билките можат да останат свежи и до 3-4 недели.

Зошто билките брзо се расипуваат?

Зелениот зеленчук како што се магдоносот, копарот, коријандерот, босилекот, нането или власецот се многу чувствителни. Нивните нежни листови лесно ја губат влагата, а во затворена и влажна средина брзо почнуваат да скапуваат.

Најчести причини за расипување на билките:

• премногу или премалку влага,
• лоша циркулација на воздух,
• контакт со оштетени или овенати листови,
• недоволна хигиена по купувањето.

Докажан метод за долготрајна свежина:

1. Темелно, но нежно миење
   Потопете ги билките во ладна вода 5-10 минути. Додадете прстофат сол или неколку капки оцет за да ги отстраните бактериите и инсектите. Потоа исплакнете под млаз свежа вода.
2. Отстранете го вишокот влага
   Протресете ги билките и внимателно исушете ги со хартиена салфета. Целта е да останат малку влажни – никако мокри.
3. Завиткајте во сува крпа
   Завиткајте ги билките во хартиена салфета или чиста крпа лесно испрскана со вода. Ова ја зачувува влагата, но спречува прекумерна кондензација што предизвикува мувла.
4. Ставете во сад или кеса
   Ставете ги завитканите билки во пластичен или стаклен сад. Ако користите кеса, оставете ја малку отворена за да може воздухот да циркулира.
5. Чувајте на вистинското место во фрижидерот
   Најдоброто место е долната фиока на фрижидерот, каде што температурата е стабилна – помеѓу +2 и +5°C, и одделно од другиот зеленчук.
6. Редовно проверувајте
   Отворете го садот еднаш неделно, отстранете ги сите расипани листови и сменете ја салфетката доколку е потребно.

Со малку грижа и рутина, билката ќе остане свежа и миризлива со денови – дури и недели. Вреди да се проба овој метод барем еднаш: никогаш веќе нема да фрлите китка магдонос по само два дена.

Бубрезите се тивки херои на нашето тело – тие филтрираат околу 50 литри крв секој ден и ги отстрануваат вишокот течности и токсини од телото. Но, ние често ги занемаруваме… сè додека не се појави проблем. Ако сакате природно да ги исчистите бубрезите и да го поддржите нивното здравје, постои билка што веројатно веќе ја имате во вашата кујна. Да, зборуваме за магдонос. Зошто магдоносот е добар за бубрезите?

Магдоносот е многу повеќе од само декорација на чинија. Тој е лесно достапен, евтин и има многу придобивки. Како чај, додаток во исхраната или смути – станува моќна поддршка за вашиот бубрежен систем.

Исто така, магдоносот ги има следните придобивки:

Природен диуретик: го стимулира мокрењето, што ги елиминира токсините и вишокот натриум од телото
Богат e со антиоксиданти: особено флавоноиди и витамин Ц, кои го штитат ткивото на бубрезите
Содржи апиол и миристицин: соединенија кои ги стимулираат бубрезите и помагаат во детоксикација
Делува антивоспалително: го намалува воспалението во уринарниот тракт и спречува инфекции

Како да се подготви чај од магдонос за детоксикација?
Едноставно и брзо:

Состојки:

една китка свеж магдонос (или 2 лажици сушен)
500 мл вода
по желба: лимон или ѓумбир
Подготовка:

Загрејте ја водата додека не зоврие
Додадете сечкан магдонос
Покријте и оставете да отстои 10–15 минути
Процедете и пијте топло или ладно

Забелешка: Не се препорачува за бремени жени или лица со тешки заболувања на бубрезите без консултација со лекар.

Колку често да се пие?
За блага детоксикација:

1 чаша дневно, 3 до 5 дена по ред, потоа пауза
За одржување на здравјето:

2–3 пати неделно е доволно

Кога треба да бидете внимателни?
Иако магдоносот е природен и корисен, прекумерната употреба може да ги оптовари бубрезите, особено кај луѓе кои веќе имаат оштетување на бубрезите или земаат диуретици. Секогаш е најдобро прво да се консултирате со лекар.

Креатор на познатиот рецепт е игуманијата Хилдегард фон Бинген, која живеела пред осумстотини години, а нејзиниот рецепт го презеле дури и лекарите. Рецептот подоцна го пренела познатата билкарка Марија Требем, авторка на книгата Здравје од Божјата аптека.

Природниот лек за срцето се покажал корисен за срцева слабост, но и за посериозни срцеви заболувања. Се користи кога чувствувате какви било срцеви тегоби како што се треперење, прескокнување или поради стрес, а исто така се покажало дека е корисно и при ангина пекторис.

Состојки за рецептот: 10 свежи стебленца магдонос (без корен), литар домашно црвено или бело вино, две лажици вински оцет и 300 гр природен мед.

Приготвување:

Во литар чисто природно вино ставете десет свежи стебленца магдонос заедно со листовите и додадете 1-2 големи лажици вински оцет. Гответе 10 минути на тивок оган. Потоа додадете 300 грама мед и оставете го тивко да се вари уште 4 минути. Топлото вино процедете го и ставете го уште топло во шишиња, кои претходно ќе ги измиете со силен алкохол. Добро затворете. Талогот што се создава не е штетен и може слободно да се пие.

Употреба: Напитокот се користи секојдневно, по супена лажица додека не престанат болките. За посериозни болести треба да се користи подолг временски период.

Кога се прават десерти, тие обично се украсуваат со јаготка на врвот, додека пак кога се прават солени јадења, се посегнува по магдоносот. Свежиот магдонос ја разубавува презентацијата и вкусот на јадењата, од супи до сосови. Благодарение на неговиот живописен, лиснат изглед и вкус кој служи за нагласување на другите вкусови тој се употребува во кулинарството од многу одамна.

Освежувањето на здивот со грицкање свеж магдонос датира од времето на Старите Римјани. Тоа е, веројатно, една од причините поради која настанал овој обичај ширум светот. Друга причина е украсувањето на јадењето, што наводно потекнува од првите месарници каде што се ставало магдонос околу свежото, но и околу печеното месо, за храната да им биде попривлечна на купувачите. До 1915 година, магдоносот се ставал на чиниите во речиси секој ресторан.

Тоа, сепак, отсекогаш им пречело на некои гости, бидејќи се сомневаат дека тоа парче растение претходно било на туѓа чинија…

Секако, третата причина поради која магдоносот се наоѓа на послужениот оброк е да се подобри вкусот на храната, но во овој случај тој најчесто се сечка и се посипува во садот.

Зошто магдоносот е добар за свеж здив? Бактериите во устата почнуваат да се развиваат после јадење, а тоа е директна причина за лошиот здив. Магдоносот содржи високо ниво на хлорофил, којшто го уништува вишокот бактерии.

Магдоносот е особено добар за џвакање после јадење лук или кромид. Покрај магдоносот, помага и свежото нане, босилекот или рузмаринот.

Следат уште неколку придобивки од ова растение: делува како антиоксидант, ѝ помага кожата да изгледа помлада, го чисти телото од токсини, го раствора вишокот маснотии во телото, ги чисти бубрезите, има антиинфламаторно дејство, полно е со витамин Ц, содржи многу минерали и го зајакнува имунитетот.

Затоа, не пропуштајте да ја украсите вашата калорична празнична руска салата со повеќе магдонос.

Поради брзиот начин на живот, лошата исхрана и недостатокот на физичка активност, зголемените маснотии во крвта денес станаа вообичаена болест. Зголеменото ниво на масти, холестерол и триглицериди во крвта е ризик за развој на дебелина, метаболички синдром, болести на срцето и крвните жили.

Триглицеридите се масти кои ги внесуваме со храната (тие се главната состојка на животинските и растителните масти), а ги произведува и нашето тело. Тие се наоѓаат во масните клетки како складиште на енергија. Сè што јадеме прекумерно се претвора во триглицериди и се депонира во форма на масни наслаги. На зголемувањето на маснотиите, покрај внесот на масна, пржена храна, влијае и недостатокот на физичка активност, вишокот килограми, прекумерното внесување шеќери, пушењето, стресот, како и некои болести на штитната жлезда…

Зголемените масти во крвта го зголемуваат ризикот од атеросклероза, кардиоваскуларни болести и смрт од кардиоваскуларни болести.

Како да ги намалите мастите во крвта
Понекогаш, кога нивото на маснотии е зголемено, можеме да забележиме задебелување на горниот очен капак, како жолти дамки или на други делови од телото. Затоа, одвојте неколку минути пред спиење и направете го овој природен лек против маснотиите во крвта!

Земете три суви смокви и направете дупчиња со чепкалка од сите страни, па ставете ги во стаклен сад во кој претходно сте ставиле 2 дл јаболков оцет. Оставете преку ноќ и наутро изедете ги трите смокви.

Остатокот од оцетот не го фрлајте, туку следната вечер повторно ставете три смокви подготвени на ист начин. Тие 2 дл оцет може да се искористат за седум дена. Осмиот ден земете нов оцет и постапката повторете ја втората недела, по што правите пауза од 14 дена.

Напиток за намалување на холестеролот
Лимон и магдонос за холестерол

Потребни состојки:

1 кг лимон
5 китки магдонос
3 литри вода
1 кесичка сода бикарбона

Приготвување:
Измијте го лимонот во ладна вода, а потоа натопете го во топла вода со претходно измешана кесичка сода бикарбона. Оставете ги состојките во водата околу еден час. Магдоносот со стеблото исечкајте го на помали парчиња, па направете го истото и со лимонот (заедно со кората).

Во сад ставете ги магдоносот и лимонот, прелијте ги со три литри вода и варете на пониска температура околу два до три часа за добро да се сварат состојките. После тоа, исцедете ги, а течноста што останува, околу 1,5 л сируп, префрлете ја во чисто шише.

Пијте по една ракиена чаша секое утро на празен стомак две недели. Резултатите сигурно нема да изостанат.