Ако сте љубител на модри патлиџани, сигурно веќе сте си подготвиле извесна количина за во зима, но секако дека е добро да ги искористите и вака свежи, додека сѐ уште ги има. А најдобро ќе ги искористите ако си направите една голема доза малиџано.

Состојки:

4 средни модри патлиџани

200 г урда и 100 г рендано сирење

2-3 чешниња згмечен лук

300 мл кисела павлака

1-2 лажици мајонез (по желба)

3-4 лажици маслиново масло

пињоли (или ореви)

сол и црн пипер по вкус

сок од пола лимон

свеж босилек

Приготвување:

Испечете ги модрите патлиџани, излупете ги и испасирајте ги (можете и со помош на рачен блендер).

Потоа додадете ги останатите состојки и дотерајте го по свој вкус. Ставете го во фрижидер да се поврзат состојките и уживајте. Одлични се во комбинација со лепчињата со јогурт и хељда.