Ако отсекогаш сте се прашувале како да ја направите НАЈДОБРАТА класична панакота, овој рецепт на нашата читателка Јана, е токму како за вас! Лесен и прилагодлив, едноставен, вкусен и секогаш импресивен десерт, совршен за секоја пригода.

Панакотата е кремаст, класичен италијански десерт на база на млечни производи, со желатин и ванила. Обично се прави со мешавина од млеко, павлака, шеќер, ванила и желатин.

Еве го и рецептот:

Состојки:
7 г желатин во прав
45 мл вода (за желатинот во прав)
360 мл млеко со поголем процент на маснотии (3,2%)

80 г мед или 66 г шеќер
Прстофат морска сол
15 мл екстракт од ванила
360 мл густа павлака / шлаг
Ако користите бобинки, направете од нив прелив со: (200 г бобинки, 40 г мед, 8 мл сок од лимон, прстофат сол, 2 г желатин во прав) или само додадете некое парче егзотично овошје, како на пример, парче манго.
Приготвување:
Ставете ја водата во мал сад. Додадете го желатинот во прав и добро измешајте. Оставете настрана додека желатинот не ја впие водата.

Ставете го млекото во мал сад, заедно со медот, солта и ванилата.

Загрејте на средна температура и мешајте ја смесата додека се загрева. Погрижете се солта и медот да се растворат и да се измешаат со основата. НЕ дозволувајте смесата да зоврие.

Кога основата од млекото ќе почне да се вари, тргнете ја од оган.
Додадете го набабрениот желатин директно во топлата смеса и нежно мешајте додека желатинот целосно не се раствори.
Додајте ја густата павлака и промешајте.
Поделете ја смесата во 6 мали стаклени садови.
Оставете ја панакота малку да се олади, потоа покријте ја со пластична фолија и чувајте ја во фрижидер преку ноќ.