За да ги направите овие лепчиња не ви треба многу време, освен оние 45 минути колку што треба да отстои тестото. Потоа оди брзо. Се печат од двете страни по 4 минути во тавче на рингла. Значи, за овие лепчиња не треба да вклучувате рерна.

Состојки:

400 мл млака вода

200 мл млако млеко

30 мл масло

40 г шеќер

8 г сув квасец

840 г брашно

20 г сол

10 мл масло

150 г мек путер

Приготвување:

1. Во поголем сад ставете ги водата, млекото, маслото, шеќерот и квасецот и измешајте. Додадете ги брашното и солта. Измешајте со лажица и замесете. Оставете го тестото да се одмори 45 минути.
2. Откако ќе се одмори тестото ставете го врз подлога за месење. Сипете врз него 10 мл масло и замесете го кратко. Издолжете го тестото, пресечете го на половина по должина и потоа на помали парчиња. Од секое парче направете топче и врз него ставете парче мек путер.
3. Натапкајте го путерот врз секое топче и со прсти раширете го тестото во круг. Ставете 3 такви круга еден врз друг, потоа затворете ги и повторно направете топче и со тапкање развлечете го во форма на палачинка.
4. Пржете ги лепчињата во тавче по 4 минути од секоја страна.

Можете да ги комбинирате со некое макало, сос или да ги користите наместо тортилји.

Ако не ви е сосема јасно, има и видео. Ние ги испробавме и беа фантастични.

Сите сакаме пржени лепчиња и веројатно на повеќето од нас, покрај палачинките, токму тие ни се најомилениот појадок. Иако се едноставни за правење, дури и најдобрите светски готвачи имаат по некој трик со кои велат дека можат да ги направат уште повкусни и совршено подготвени!
Овој омилен појадок од детството, кој нè прави среќни и кога сме возрасни, сакаме да го јадеме, најчесто со сирење, со јогурт или кисело млеко. Но некои луѓе имаат и поинакви решенија па дури и од овој едноставен оброк ќе си направат специјалитет.

На пример, нашата млада читателка Јана вели дека секогаш ги прави во некоја друга варијанта. Овојпат, тоа се пржени лепчиња со мед и цимет и слатко од јагоди и шеќер во прав, колку за декорација.

Иако јајцата и лебот се основа за пржените лепчиња, со неколку додатоци тие можат да бидат повкусни и поинтересни.

И уште една напомена, важно е јајцата да се матат со жица или вилушка, никако со миксер. Обидете се да ги исечете кришките од стариот леб што е можно потенко, за да се пржат побрзо.
Според некои познати готвачи, за посебен шмек, можете да им додадете и малку ким кој го претвора ова едноставно јадење во врвен специјалитет.