Бозелот наводно се користел уште од времето на старите Римјани, кои ни го оставиле во наследство сирупот што се подготвува во нашиот регион денес.

Цветовите и плодовите од бозелот се употребуваат во исхраната и во народната медицина, свежи или сушени. Од цветовите обично се прават чај, сируп и сок, а од плодовите се прави џем, компот или овошен сок.

Рецептот за оваа ракија или поточно, ликер од бозел е едноставен, а кога подготвувате сируп или сок од бозел, одвојте дел од цветовите за оваа одлична ароматична ракија.

Во Шведска, вообичаено е да се пие овој пијалак на најдолгиот ден од годината.

Toj е одличен аперитив, но и убав подарок.

Состојки:
8 големи цветови од бозел
1 литар ракија
една лажица шеќер
по желба, можете да додадете и кора од лимон

Приготвување:
Ставете ги цветовите во тегла, наросете со една лажица шеќер и прелијте ги со ракијата. Оставете да отстои 3 дена. Протресете повремено.

Процедете и префрлете го напитокот во убаво шише.