Минатогодишниот светски бестселер „Исхрана за виток струк“ најде бројни обожаватели ширум светот кои самите сведочеа за големото влијание на содржината на книгата врз нивното здравје и изглед.

Авторките, нутриционистката Синтија Сас и уредничката на списанието за здравје, Лиз Вакариело, се дуото одговорно за револуционерната исхрана во чиј фокус е водата. Но, не се работи само за обична вода, туку за напиток чии состојки се најсилните согорувачи на вишокот килограми, или поточно, на масните наслаги.

Покрај тоа, магичната вода е одговорна за ревитализација на целиот организам бидејќи го зајакнува кардиоваскуларниот систем и го ослободува телото од сите насобрани токсини.

Еве како да ја подготвите:

Состојки:

2 литри вода

1 лажица рендан корен од ѓумбир

1 тенко исечена краставица без кора

1 лимон

12 листови нане

Подготовка:

Измијте го лимонот и исечете го на тркалца и секое благо засечете го по кората. Излупете го и изрендајте го ѓумбирот и додадете го во подготвената вода заедно со листовите нане.

Оставете ја смесата во фрижидер преку ноќ, а следниот ден почнете да ја консумирате следејќи ја и оваа диета:

Појадок – чаша Sassy вода и лесен појадок како житарки, обезмастено млеко, семки од сончоглед или овошје како ананас

Ручек – чаша Саси вода, риба, по можност на пареа или варена во вода и салата со зеленчук

Вечера – чаша Саси вода, риба, варен компир и боранија

Како меѓуоброци можете да јадете јогурт, бобинки, зеленчук и овошни сокови подготвени од свежо овошје. Овој тип на диета треба да се одржува најмалку четири дена за да се видат видливи промени во телото.