Неодамнешно истражување во Кина укажува дека умереното консумирање јајца може да помогне во намалување на ризикот од деменција.

Во студијата, спроведена меѓу возрасни лица во Гуангжу, научниците откриле дека оние кои секојдневно јаделе по едно јајце имале понизок ризик за развој на деменција, во споредба со оние што консумирале јајца само еднаш неделно или месечно.

Во студијата биле вклучени 233 лица со деменција и 233 лица без деменција од здравствени центри во Гуангжу. Податоците се собирале врз основа на фреквенцијата на консумирање јајца (неколку пати неделно, секојдневно и сл.).

Оние кои секојдневно консумирале јајца имале значително понизок ризик од деменција.

Јајцата содржат клучни хранливи материи како холин, витамини од групата Б и незаситени масти, кои можат да придонесат за подобро когнитивно здравје.

Меѓутоа, студијата истакнува и дека преголема консумација, над две јајца на ден, не носи дополнителни придобивки, па дури може да биде контрапродуктивна.

Ова е веројатно поради високото ниво на холестерол во јајцата, што може негативно да влијае на здравјето.

Воопшто, истражувачите препорачуваат умерено внесување јајца, бидејќи освен за когнитивното здравје, тие имаат и други позитивни ефекти врз коските и имунитетот.

Ова истражување ја поддржува идејата дека исхраната може да има значајна улога во спречување на невродегенеративни болести, како и дека редовното внесување на јајца, особено како дел од балансирана исхрана, може да придонесе за подобро когнитивно здравје и да го намали ризикот од развој на деменција.