Тклапи (грузиски: ტყლაპი) е традиционална грузиска овошна „кожа“.

Се прави од овошно пире кое се премачкува на чаршаф во тенок слој и се суши на сонце или, во поново време, во дехидратор или во рерна.

Овој традиционален грузиски специјалитет може да биде кисел или сладок.

Киселата верзија се прави најчесто од сливи и од вишни, а слатката верзија се прави од кајсии или праски.

На прв поглед изгледаат како некои крпчиња во различни бои. Тоа и се крпчиња, но такви кои се јадат. Направени се од смеса од разно овошје или од само едно овошје кое се остава да се суши, а потоа се дипли како крпа.

Тклапите се одлична закуска што можете да ја носите со себе насекаде. Мали се, лесни и не им треба фрижидер.

Се прават многу лесно.

Се користи свежо овошје и сос од јаболка. Шеќер не е потребен, но додавањето сос од јаболка природно ќе го заслади овошјето без премногу да го менува вкусот.

Значи, најпрвин се мие овошјето и се отстрануваат семките, а потоа се сече и се става во блендер. По желба додадете сос од јаболка. Блендирајте додека овошјето не стане како пире.

Испрскајте го чаршафот со спреј за готвење. Истурете го овошното пире одозгора и размачкајте го во тенок слој. Потоа сушете на сонце или во дехидратор или рерна.