Здраво домашно лепче со хељда и лен
Ако сакате да јадете леб, тогаш барем нека биде здрав. Овој леб има малку калории, а многу здравствени придобивки, но не очекувајте меко лепче како белото
TYPO
Овој леб е направен во ôд, без некој посебен рецепт па затоа не се потпирајте строго на количините што се наведени и ставете по потреба малку повеќе брашно или малку помалку вода.
Состојки:
250 г хељдино брашно
50 г ленено брашно
300 г грахам
400 мл вода
2 лажички сув квасец
1 лажица мед
1 лажичка сол
1 јајце
2 лажици ладно цедено сончогледово масло
Приготвување:
Растопете го квасецот во малку вода и додадете го медот и 1 лажичка брашно. Почекајте да се активира квасецот па додадете ги јајцето и маслото. Во сад измешајте ги брашната и направете вдлабнатина па истурете ја смесата со квасецот. Замесете тесто и оставете го покриено да надојде или веднаш ставете го во подмачкан и набрашнет калап за леб и почекајте да нарасне. Премачкајте го со млеко и поросете со сусам.
Ставете го лебот во ладна рерна и печете го околу 45 минути на 200 степени.