Благодарение на својот состав, сите зачини носат одредени придобивки за нашиот организам, а за време на диетата, најмногу ни се од помош оние што ја зголемуваат телесната температура, го поттикнуваат согорувањето на мастите и го забрзуваат метаболизмот.
Во борбата со килограмите и при усвојувањето на здрави прехранбени навики потребни ни се сите достапни сојузници, а барајќи замена за непожелните намирници, малкумина се сеќаваат на зачините.
Кога ќе почнеме да размислуваме за нив во овој контекст, прво ни паѓа на памет дека зачините можат да го подобрат вкусот на здодевната диетална храна, како што се посно сирење и овесна каша. Овој позитивен ефект може да звучи банално, но е многу важен затоа што колку е помалку вкусна диеталната храна, помала е шансата да се држиме до диетата, односно да ги задржиме мотивацијата и дисциплината, клучни компоненти на секоја диета.
Зборувајќи за ограничувања во исхраната, треба да се напомене дека зачините содржат калории, но нивната количина сигурно нема да ја загрози вашата диета.
Напротив, некои од нив го намалуваат апетитот зголемувајќи го чувството на ситост. Покрај тоа, без оглед каков прехранбен режим и да имаме, тие можат да бидат природна алтернатива на фармацевтските додатоци на исхраната.
Загревање
Благодарение на својот состав, сите зачини носат одредени придобивки за нашиот организам, а за време на диеталниот период, најмногу ни се од помош оние што предизвикуваат термогеничен ефект. Станува збор за зачини кои ја зголемуваат телесната температура, го поттикнуваат согорувањето на мастите и го забрзуваат метаболизмот. Ова помага во намалувањето на масните наслаги.
Се разбира, тие не се препорачуваат само за време на диетата, туку и во стандардната исхрана. Повеќето од овие зачини се лесно достапни и кај нас, а не мора да бараме многу егзотични рецепти за да ги употребиме, бидејќи тие совршено се вклопуваат во некои од нашите вообичаени јадења. Издвоивме пет такви зачини за кои научивме зошто се добри при слабеење, во кои стандардни јадења можат да се вклопат и во кои здрави рецепти имаат голема улога.
Цимет. Омилениот божиќен зачин е всушност внатрешната кора од дрво од семејството ловори, а разликуваме два сродни видови, кинески (Cassia) и поценетиот и поздрав цејлонски цимет.
Освен што содржи антиоксиданти и делува против инфекции, овој зачин помага и во регулирање на шеќерот во крвта со стимулирање на производството на инсулин. Исто така го потиснува апетитот и нè заситува подолго време, што навистина ни е потребно за време на диетата. Циметот кај нас повеќе се користи во колачите, а во Азија, во главните јадења. Со него можете да ја поросите овесната каша, да го помешате со урда или јогурт, дури и со пиво. Во солена улога, циметот може да се појави и во маринадите за месо.
Ѓумбир. Растението од семејството лилјани, со потекло од Кина, е првенствено познато по своите корисни ефекти на варењето и воспалението, но исто така помага и во одржувањето на телесната тежина. Имено, ѓумбирот е одличен природен лек за главните причини за таложење на маснотии, а тоа се прејадување, недостаток од вежбање и стрес. Ѓумбирот го ограничува производството на кортизон, хормон кој прекумерно се лачи за време на хроничен стрес и може да ги зголеми масните наслаги на стомакот.
Куркума. Исто така наречена индиски шафран, куркумата е најпознатата состојка во познатата мешавина на зачини наречена кари и му ја дава својата карактеристична жолта боја. Се користи за голем број здравствени проблеми и што е уште поважно, го спречува акумулирањето на масните клетки и ги поттикнува клетките да создадат нови митохондрии кои ги разградуваат хранливите материи, вклучувајќи ги и мастите. Со неа може да се попрска месото пред печење пилешко, кое е вообичаено во диеталните готвачи, а може да се помеша и во варива, како леќата. Куркума го развива својот оптимален лековит ефект кога се пропржува на масло и кога се комбинира со црн пипер. Може да се конзумира и како напиток кога ќе се помеша со вода или млеко.
Каенски пипер. Овој зачин всушност не треба да се нарекува пипер затоа што нема ништо заедничко со другите видови пипер. Се добива со мелење каенско пиперче, кое припаѓа на средно лутите пиперки. Како и другите термогени зачини, каенскиот пипер го зауздува апетитот, го забрзува метаболизмот и помага при согорување на калориите, сето тоа благодарение на активната состојка капсаицин. Ако сакате пикантен вкус, додајте го во сосови и во смеса за панирање.
Црн пипер. Нам најмалку егзотичен и најевтин зачин на оваа листа, црниот пипер има особено корисен ефект врз варењето на храната, а неговата мембрана содржи фитонутриенти кои учествуваат во разложување на масните клетки. Во ајурведската медицина, чајот од црн пипер се користи за губење на тежината. Добро оди со многу јадења, а ако претерате со него додадете му на јадењето малку млеко или јогурт и ќе го неутрализираат.
Фото: Pexels