Лушпата од јајцето со право се користи како лек кој помага при многу болести. Таа содржи 90% калциум и е најдобар природен извор на овој минерал. Лушпата од јајце лесно се апсорбира од телото бидејќи е речиси идентична по хемиски состав со човечките коски и заби. Во повисоки дози, не само што ги лекува симптомите на недостаток на калциум и го запира развојот на остеопороза, туку помага и против висок холестерол и висок крвен притисок и ја стимулира коскената срцевина да произведува крвни зрнца.

Освен тоа, лушпите од јајцата содржат железо, бакар, манган, цинк, флуор, фосфор, хром и молибден. Ова е причината зошто многу експерти препорачуваат мелена лушпа од јајце како природен и многу ефикасен додаток на калциум. Во зависност од возраста, препорачаната дневна доза е 1,5 до 3 грама мелена лушпа од јајце.

Калциумот има голем број важни функции во телото. Покрај тоа што создава коскена маса и ја спречува остеопорозата, калциумот ја нормализира работата на нервите и мускулите, ги регулира отчукувањата на срцето, го спречува згрутчувањето на крвта и го поттикнува спиењето. Тоа е исто така важно за работата на имунолошките клетки и за здрава кожа и коса. Постојат многу фактори кои го црпат калциумот од телото, а тоа се првенствено премногу седење, кафе, алкохол и газирани пијалаци. Недостатокот на калциум е особено предиспониран кај трудниците и жените во менопауза, постарите мажи и луѓето кои страдаат од дигестивни нарушувања.

Лушпа од јајце како лек

Лек за тироидна жлезда

Лушпите од осум јајца добро измијте ги, исушете ги, издробете ги, прелијте ги со сок од два лимона и оставете ги во фрижидер неколку дена. Кога лушпите ќе се растворат, процедете ја течноста и измешајте ја со литар ракија и килограм мед. Оставете да отстои седум дена пред употреба. Консумирајте по една кафена лажичка, два до четири пати на ден после јадење.

 

Лек за гастритис, чир

 

Измешајте една лажица мелени лушпи од јајца со една лажица шеќер и една лажица мелено морско оревче. Земете една кафена лажичка 20 дена, три пати на ден.

Измешајте половина лажичка мелени лушпи од јајца со две лажици сок од лимон. Кога лушпите ќе се растворат во сокот, додадете децилитар топло млеко. Земајте два пати на ден, наутро на празен стомак и навечер пред спиење.

Лушпа од јајце за зглобовите

Висококвалитетните лушпи од јајца содржат 27 есенцијални микроелементи, меѓу кои преовладува калциум карбонат. Нивната структура е многу слична на нашите коски и заби.

Според истражувањата, калциум карбонатот од лушпите од јајцата ја зголемува густината на коските и го стимулира растот на ‘рскавицата и го намалува чувството на болка кај луѓето со артритис.

Освен што содржи калциум, лушпите од јајцата се полни со магнезиум, фосфор, глицин и колаген, а секој од овие елементи во голема мера влијае на метаболизмот на коските.

Во широка тегла ставете едно цело и чисто јајце. Посипете го со свеж сок од лимон. Покријте ја теглата и ставете ја во фрижидер каде што треба да стои следните 48 часа. За тоа време, на секои неколку часа, теглата треба нежно да се протресува. Отпрвин ќе забележите дека се формираат меурчиња, но како што поминува времето, тие целосно ќе исчезнат. Внимателно извадете го јајцето од теглата. Секојдневно земајте половина лажичка од смесата.

 

За зајакнување на телото и чистење на крвта

 

Лушпи од четири или пет јајца добро измијте ги, здробете ги и ставете ги во три литри вода. Чувајте ја водата со лушпите во фрижидер до седум дена и користете ја како вода за пиење. Дневно земајте две до три чаши вода со малку сок од лимон.