Сите знаеме дека периодот на божиќните и новогодишните празници е најопасен за нашата линија. Некои експерти велат дека ни се потребни и до пет месеци за да се вратиме на претходната тежина.
За време на празниците сите јадеме повеќе отколку што е вообичаено. Затоа е препорачливо да користите некои трикови за да го сведете дебелеењето на минимум.
За почеток, печете зеленчук! Тоа е одлична замена за обилните месни оброци. Месото само по себе не е проблем, но бидејќи обично се комбинира со калориски бомби и јаглехидрати како компири, тестенини и секако десерти, може да биде многу лош избор. Значи, печете моркови, кромид, цвекло, тикви, слатки компири и слично. Сите овие намирници се природно слатки и можат да ги поттикнат нашите органи како и умот.
Њујоршката нутриционистка Ејми Валпоне, авторка на книгата „Eating Clean: The 21-Day Plan to Detox, Fight Inflammation, and Reset Your Body”, советува дека циметот, морското оревче и други зачини треба да се додаваат во каши, житарки, јогурт или чаша топло бадемово млеко за време на ладните денови.
„Додадете свеж рузмарин. Ова растение ќе направи чуда за вашето непце. Кога печете зеленчук или производи од животинско потекло, доволно е да додадете свеж сок од лимон, маслиново масло и рузмарин“, вели Валпоне.
Зимата е извор на стрес за организмот, па затоа е важно да се одржува стабилна телесна температура. Обезбедете му на вашето тело здрави супи и јадења со многу зелен лиснат зеленчук и кромид. Додадете лути пиперки, ѓумбир и билни чаеви.
Кога печете или варите компири или нешто слично, избегнувајте непотребни состојки со висока концентрација на маснотии и брашно. Фрлете го путерот и наместо тоа пржете во кокосово масло. Исто така, наместо бело брашно, користете бадемово.
Јадете половина час или еден час пред да излезете од дома за да го избегнете искушението да купите брза храна. Носете со себе пакување јаткасти плодови кои ќе ве заситат. Ако пиете алкохол, пијте чаша вода после секоја чаша алкохол.