Сенфот е одличен прилог, но има и фантастични лековити својства

Поради исклучителните лековити својства на синапот, кој е основа на овој популарен намаз и користењето на сенфот често се препорачува за медицински цели.

Домашниот сенф, подготвен од природни состојки, без употреба на вештачки бои, вкусови и конзерванси, е делотворен како и самиот синап. Има силно антибактериско дејство, пикантен вкус, па затоа се користи како додаток во солените јадења.

Богат е со фосфор, магнезиум, железо, селен, натриум, витамин А и протеини. Освен во исхраната, сенфот е лесно достапна намирница која може да ни помогне при некои болести и тегоби.

Во годишните времиња на грип и настинки често ни се случува да засипнеме. Тогаш олеснување може да ни донесе едноставен природен рецепт: сенф, сок од половина лимон, лажичка сол, лажичка мед. Сè се вари во половина шолја вода околу 10 минути, па кога ќе се олади се гаргара по голтка-две додека не се потроши.

Кога ќе ни се воспалат мускулите после тренинг, можеме да нанесеме сенф, бидејќи е одличен за опуштање на мускулите. За таа цел, можете да направите купка од сенф, една лажичка морска сол и топла вода. Слична купка, во помала количина, е одлична за опуштање и одмор на уморни нозе и стапала. Не треба да ги занемариме сè поголемиот број истражувања кои укажуваат на антиканцерогените ефекти на сенфот, особено кај малигните заболувања на дигестивниот тракт. Секако, за сето тоа е заслужен синапот.

Вреди да се спомене дека сенфот е погоден додаток на оброците, бидејќи 100 грама сенф содржи само околу 75 kcal. Сепак, со овој намаз не треба да се претера заради неговата висока содржина на натриум, бидејќи може да предизвика нарушувања на крвниот притисок.

Како се прави сенфот?

Бидејќи домашната храна е секогаш поздрава и побезбедна од онаа во продавниците, а сенфот навистина не е тежок за правење, ви даваме испробан рецепт за подготовка на домашен сенф без оцет. Вака подготвениот сенф можете да го чувате во фрижидер 6 месеци.

Еве како сами да направите домашен сенф:

Потребни ви се: 2/3 шолја семе од синап (бело или измешано со црно), 1 шолја сок од лимон, 1/3 млака вода, 1 лажичка сол, зачини по желба, а ви предлагаме мајчина душица, рузмарин и кари.

Сокот од лимон измешајте го со вода, во него натопете го синапот и оставете да отстои 3-4 дена. Синапот за тоа време ќе ја впие целата течност. Потоа сомелете ја оваа смеса до саканата структура и додадете сол и зачини.

Свежо направениот сенф се препорачува да се остави во фрижидер да отстои неколку дена, ќе биде повкусен, а во меѓувреме синапот ќе ја изгуби горчината.