Ако јадете јајце за појадок, не јадете чизбургер за ручек. Стремете се кон рамнотежа. Диететичарот Кристи Кинг за Everyday Health советува наместо помфрит, ако јадете пржено пилешко, да јадете салата.
Не треба да сте нутриционист за да знаете дека не треба редовно да јадете пржени компири или воопшто, пржена храна Таквата храна е полна со натриум и заситени масти, кои можат да го подигнат холестеролот во крвта и да го зголемат ризикот од срцеви заболувања.
Месото и млечните производи содржат заситени масти, додека печивата и брзата храна содржат транс масти. Бидејќи нивото на „лошиот“ холестерол (ЛДЛ) може да биде превисоко на диета богата со заситени масти, се препорачува заситените масти да сочинуваат не повеќе од пет до шест проценти од вкупните калории. На диета со 2.000 калории дневно, тоа би значело максимум од 11 до 13 грама заситени масти дневно.
Сепак, размислувањето за тоа што го зголемува нивото на холестерол во телото се промени, така што нема доволно јасни упатства за ограничување на количината на холестерол добиен од храната. Истражувањата покажаа дека холестеролот од храната сам по себе не е штетен и всушност не придонесува за зголемување на нивото на холестерол во телото. Наместо тоа, вистинските виновници се заситените масти, транс мастите и додадените шеќери.
Но, сепак е важно да се обрне внимание на количината на холестерол што ја добивате од храната, бидејќи храната богата со холестерол има и високо ниво на заситени и други нездрави масти. Еве пет совети кои ќе ви помогнат да го ограничите количеството на холестерол што го јадете за да можете да одржувате здрава исхрана.
Стремете се кон рамнотежа
Иако некогаш имаа лоша репутација, јајцата сега генерално се сметаат за здрав избор, но во одредени граници. Една студија покажала дека конзумирањето до 12 јајца неделно не го зголемува ризикот од срцеви заболувања кај луѓето со преддијабетес и дијабетес тип 2. Сепак, мора да се земе предвид целокупната исхрана.
Според Американското здружение за срце, јајцата можат да бидат дел од здравата исхрана за срцето, се додека не го оптоварувате вашето тело со холестерол од други извори, како што се масното месо или месото со кожа и полномасните млечни производи.
Значи, ако јадете јајце за појадок, не јадете чизбургер за ручек. Стремете се кон рамнотежа. Диететичарот Кристи Кинг за Everyday Health советува наместо помфрит, ако јадете пржено пилешко, да јадете салата.
Изберете свежо овошје наместо сладолед
Сладоледот е вообичаен избор за многумина, особено во топлите денови, но само една шолја сладолед (зависи од типот на сладолед) има повеќе маснотии од хамбургерот и речиси двојно повеќе заситени масти од глазирана крофна. Затоа, ако сакате слатко уживање, изберете свежо овошје. Овошјето е нискокалорично и богато со влакна, витамини и хранливи материи, така што навистина е најдобриот избор кога сакате да го намалите количеството на холестерол што го јадете.
Изберете мафини со малку маснотии
Една порција мафини може да има дури осум грама маснотии, особено оние што се готови и може да се купат во продавница или во смесите за мафини. Наместо тоа, изберете мафини со трици со малку маснотии направени со интегрално пченично брашно кои имаат влакна и многу помалку масти, особено оние што содржат растителни масла.
Пилешко без кожа
Иако пилешкото е месо со малку маснотии, начинот на кој се подготвува прави голема разлика. На пример, еден пилешкикопан со кора има повеќе масти и заситени масти од хамбургерот. „Отстранувањето на кожата од пилешкото ќе помогне да се намали вкупната содржина на маснотии, а најдобро е пилешкото на скара“, објаснува Кинг.
Ако ја оставите кожата на пилешкото и го испржите во длабока маснотија, ќе го претворите во нездрава храна која го зголемува холестеролот. Исто така запомнете дека темното месо од живина има повеќе масти од белото месо. При изборот на пилешко, одлучете се за пилешко без кожа и прескокнете го темното месо.
И грицките може да придонесат за висок холестерол
Транс мастите можат да ја претворат здравата храна во храна која го зголемува холестеролот. Овие масти се создаваат со додавање на водород во растителните масла, кои потоа се користат во многу печива или пржена храна како колачи, помфрит, прстени од кромид и крекери. Без разлика дали се пржени, крцкави или полнети, многу од работите што сакаме да ги јадеме се лоши за нивото на холестерол. За да го избегнете ова, читајте ги етикетите на производите и избегнувајте ги оние што содржат делумно хидрогенизирано масло. Помалите порции се исто така уште еден начин да го намалите внесот на храна која може да го зголеми нивото на лошиот холестерол.