Изгледа многу вкусно, а звучи многу здраво, па веројатно е и едното и другото. Ние не сме го испробале, но планираме.
Го најдовме на ФБ страната на Susan’s Family Kitchen
Понекогаш не можете да одолееме на големиот број на одлични рецепти кои ги среќаваме низ непрегледното интернет беспаќе. Некои ќе не привлечат со изгледот, некои со составот, некои зашто се здрави, некои зашто се вкусни (или барем така звучат), некои заради сè заедно.
Овој рецепт го најдовме на Фејсбук страницата Susan’s Family Kitchen од кадешто ја позајмивме и фотографијата.
Сè уште не сме го испробале, но секако ќе го направиме тоа.
Состојки:
За слојот од чиа пудинг:
1 конзерва (400 мл) полномасно кокосово млеко, добро протресено
1/2 чаша (80 г) чиа семе
1/4 шолја (60 мл) јаворов сируп или агава нектар (прилагодете по вкус)
1/4 чаша (60 мл) свеж сок од лимета
1 лажица кора од лимета
1 лажичка екстракт од ванила
За основата: (ако сакате можете и без неа)
1 чаша (90 г) бадемово брашно
1/4 чаша (20 г) рендан кокос
2 лажици стопено кокосово масло
1 лажица јаворов сируп
Приготвување:
Ако ја правите основата: Во мала чинија измешајте бадемово брашно, изрендан кокос, стопено кокосово масло и 1 лажица јаворов сируп. Притиснете цврсто на дното на тавче со димензии 20×20 цм обложено со хартија за печење. Ставете во фрижидер додека го подготвувате пудингот.
За чиа пудинг: Во средна чинија изматете го полномасното кокосово млеко, чиа семките, 1/4 чаша јаворов сируп (или агава), сокот од лимета, кората од лимета и екстрактот од ванила. Добро изматете за да нема грутки.
Оставете ја смесата да отстои 5-10 минути, па повторно изматете убаво.
Истурете ја смесата со чиа пудинг рамномерно врз изладениот основен слој (или директно во обложената тава ако не користите подлога).
Покријте и ставете во фрижидер најмалку 4 часа, или по можност преку ноќ, додека чиа пудингот не стане многу цврст и како густо желе.
Откако целосно ќе се стегне, користете ја хартијата за печење за да го подигнете блокот од тавата.
Исечете го на 9 коцки со помош на остар нож. Украсете со дополнителна кора од лимета или со пржен кокос, по желба. Да се чува покриено во фрижидер до 4-5 дена.
Информации за рецептот:
Време на подготовка: 15 мин
Вкупно време: 4,5 часа (вклучува разладување)
Калории по порција: Приближно 180 по коцка