Мачата е богата со антиоксидантот епигалокатехин галат (EGCG), за кој се верува дека помага во борбата против воспаленијата, го поддржува метаболизмот и има благ смирувачки ефект
Во последните неколку години, зелениот напиток познат како мача стана основна состојка во трендовските кафулиња, профилите на Инстаграм, па дури и во козметичките рутини.
Од мача лате и колачи до маски за лице и енергетски топчиња, мачата се чини дека е насекаде. Но, што е точно мача и зошто сите ја сакаат?
Што е мача?
Мачата е фин прав направен од специјално одгледувани и преработени листови од зелен чај. За разлика од класичниот зелен чај, кај мачата се консумираат целите листови во прав, што значи дека добиваме повеќе хранливи материи и антиоксиданти.
Здравствени придобивки – вистински или маркетиншки?
Иако често има многу возбуда околу здравствените трендови (и не секогаш со добра причина), во случајот со мачата – науката до некаде стои зад целата возбуда. Мачата е богата со антиоксидантот епигалокатехин галат (EGCG), за кој се верува дека помага во борбата против воспаленијата, го поддржува метаболизмот и има благ смирувачки ефект.
Благодарение на кофеинот, кој се ослободува побавно отколку во кафето, мачата обезбедува енергија без нагли „падови“. Покрај тоа, содржи Л-теанин – аминокиселина која влијае на релаксацијата и подобрата концентрација.
Не е ни чудо што самураите ја пиеле пред битките, а денешните професионалци пред важни состаноци.
Повеќе од пијалак: начин на живот и естетика
Една од причините зошто мачата ги освои миленијалците и генерацијата Z е нејзината естетика. Таа жива зелена нијанса изгледа одлично на фотографиите, а производите со мача сигнализираат „грижа за себе“, благосостојба и модерен урбан живот. Накратко – мачата стана начин на живот, а не само состојка.
Иако мачата штотуку си го пробива патот во регионот, нашите кафулиња веќе ја воведуваат во своето мени – како лате, додаток во смути, па дури и во колачи како чизкејк. Органската јапонска мача веќе може да се најде на полиците на некои специјализирани продавници, а сè повеќе и козметика базирана на овој зелен прав.
Тренд што ќе остане?
За разлика од многу „суперхрани“ што се појавија и исчезнаа, мачата се чини дека е тука за да остане.
Ги комбинира здравјето, грижата за себе и дозата на хедонизам – комбинација што современите потрошувачи многу ја бараат.
А вие – дали веќе сте пробале мача или сè уште сте скептични во врска со „зелената возбуда“?
Повеќе за придобивките, но и за тоа како правилно се консумира мача, прочитајте ТУКА.