Ако не ви се јаде сиров и ако не го сакате многу вкусот на карфиол сам за себе, направете го збогатен со едноставен и вкусен прелив
Карфиолот се јаде и сиров па не е баш јасно зошто многумина прво го варат, па го печат.
Ние го ставаме директно во рерна, колку да омекне ако веќе не ни се јаде сиров и со прелив ако баш не ни се јаде само карфиол.
Сепак, се прави многу брзо и е уште повкусно.
Состојки:
1 карфиол
3 јајца
1 павлака
кашкавал по вкус
сол, црн пипер, маслиново масло
Приготвување:
Разделете го карфиолот на цветови и попрскајте го со маслиново масло и сол и ставете го во тепсија во загреана рерна.
По десетина минути промешајте го карфиолот и кога малку ќе омекне прелијте го со мешавината од јајца и павлака, одозгора ставете кашкавал и вратете го во рерна уште на десетина минути.
