Чај од свила од пченка: Народен лек за бубрези, но и за многу други тегоби

Фото: Pexels
628

Во традиционалната медицина, свилата од пченка се користи за лекување на различни заболувања, вклучувајќи маларија, проблеми со простатата, инфекции на уринарниот тракт и срцеви заболувања. Поновите истражувања покажуваат дека може да помогне и во намалување на крвниот притисок, холестеролот, шеќерот во крвта и воспалителните состојби.

Свилата од пченка (лат. Stigma maydis) е влакно налик на нишка кое се наоѓа помеѓу лушпата од пченката и кочанот. Сјајните, тенки влакна од пченкарната свила помагаат во опрашувањето, растот на пченката и задржувањето на сладоста и сочноста на нејзиното зрно.
Чајот од свила од пченка со векови се користи во нашата традиционална народна медицина, како и во кинеската и индијанската медицина за лекување на одредени хронични здравствени состојби.
Иако долго време беше отфрлана, денес пченкарната свила и нејзиниот чај повторно станаа ценет и сè попопуларен природен лек. Пченкарната свила може да се користи свежа, но често се суши пред да се консумира како чај. По лупењето на пченката, свежите свилени нишки може да се користат и како прелив за салати, компири, супи, сендвичи, такоси итн.

Истражувањата покажуваат дека пченкарната свила содржи влакна, јаглехидрати, протеини и минерали како што се калциум, железо, натриум, калиум, цинк и хлорид. Таа е природен богат извор на флавоноидни антиоксиданти кои го намалуваат оксидативниот стрес и го штитат телото од оштетување на слободните радикали.

Во традиционалната кинеска и индијанска медицина, пченкарната свила се користи за лекување на различни заболувања, вклучувајќи маларија, проблеми со простатата, инфекции на уринарниот тракт и срцеви заболувања. Поновите истражувања покажуваат дека може да помогне и во намалување на крвниот притисок, холестеролот, шеќерот во крвта и воспалителните состојби.

Здравствени придобивки од пченкарната свила
Придобивките од чајот од пченкарна свила се многубројни. Чајот му ја нуди на телото потребната доза на витамин Ц, кој игра важна улога во функционирањето на виталните органи бидејќи има силни антиоксидантни, антиинфламаторни, антибактериски и антисептички својства.
Чајот од свила од пченка го стимулира варењето, ја намалува болката поврзана со гихт и помага во контрола на здрав крвен притисок и високи нивоа на холестерол.
Покрај тоа, може да го зајакне имунолошкиот систем, да помогне при мокрење во кревет кај деца и возрасни (енуреза), како и кај проблеми со бубрезите и кај крварења.

Прелиминарните истражувања сугерираат дека чајот од свилата од пченка може да има здравствени придобивки, особено за одредени видови на воспалителни состојби како што се срцеви заболувања и дијабетес. Некои истражувања покажуваат дека таа може да го намали шеќерот во крвта и да помогне во управувањето со симптомите на дијабетес.

Покрај сето тоа, пченкарната свила има и придобивки кои ќе ги откриеме во продолжение.

Помага при проблеми со кожата
Чајот од свилата од пченка е добар за кожата бидејќи содржи антиоксиданти кои го забавуваат стареењето и појавата на брчки. Локалната апликација лекува кожни проблеми како што се чиреви и осип.

Може да помогне и во ублажување на чешањето и болката предизвикана од каснувања од инсекти, гребнатини и помали исеченици, благодарение на неговите антибактериски и антисептички својства кои помагаат во спречување на инфекции.

Се бори против воспаленија
Растителниот пигмент или флавоноид е антиоксидант кој на пченкарната свила ѝ дава светло-зелена, жолта, кафена или црвена боја и има иста антиоксидантна вредност како витаминот Ц. Антиоксидантите штитат од воспаленија и од последиците од стареењето на телото и не штитат од болести како што се рак и дијабетес.
Го подобрува варењето
Овој корисен чај помага да се стимулира варењето и да се лечат дигестивни проблеми. Истражувањата покажаа дека чајот од пченкарна свила може да го поттикне излачувањето на жолчката во црниот дроб. Оваа жолчка се складира во жолчното кесе, што резултира со правилно варење на храната.

Го намалува крвниот притисок
Пченкарната свила може да биде ефикасен третман за висок крвен притисок бидејќи поттикнува елиминација на вишокот течности од вашето тело. Како таква, може да биде природна алтернатива на диуретиците на рецепт, кои често се користат за намалување на крвниот притисок.

Го подобрува нивото на холестерол
Флавоноидите во пченкарната свила го подобруваат нивото на холестерол со намалување на триглицеридите и липопротеинот со ниска густина (ЛДЛ). Овие нездрави форми на холестерол предизвикуваат таложење на наслаги во внатрешноста на артериите, зголемувајќи го ризикот од срцев и мозочен удар.

Го одржува здрав уринарниот систем
Екстрактот и чајот од свила од пченка делуваат како моќен диуретик, поради што повеќе мокриме. Зголеменото мокрење помага и во зајакнување на мочниот меур. Зголемениот проток на урина спречува акумулација на бактерии кои доведуваат до инфекции на уринарниот тракт и инфекции на мочниот меур.
Свила од пченка за бубрезите
Исто така, свилата од пченка е и одличен домашен лек за проблеми со бубрезите. Чајот од свила од пченка ги спречува камењата во бубрезите и ги штити бубрезите од оштетување предизвикано од одредени лекови или третман на рак.

Тој е многу ефикасен во лекувањето на состојби поврзани со бубрезите, вклучувајќи болно мокрење, инфекции на уринарниот тракт и камења во бубрезите.

Помага во зголемување на количината на урина со што се избегнуваат многу проблеми со бубрезите бидејќи токсините и другите штетни материи ефикасно се исфрлаат од телото.

Чај од свила од пченка против целулит
Кога станува збор за вистински природни диуретици, пченкарната свила е високо рангирана на листата на исфрлачи на вода. Улогата на диуретиците е да помогнат во разградувањето на сите токсини кои долго време се акумулираат во телото и ги исфрлаат од телото преку урината, поради што е одличен антицелулитен агенс. Жените често го консумираат овој чај кога имаат менструални проблеми или кога сакаат да се ослободат од целулитот.

Чај од пченка од свила за слабеење
Со оглед на тоа што чајот од свила од пченка влијае на исфрлањето на водата, се користи и за слабеење бидејќи поттикнува детоксикација и помага при слабеење.

Доколку сакате да ослабнете на време за некој голем настан, ова е одличен трик бидејќи го отстранува вишокот вода од телото и на тој начин ја намалува надуеноста и сантиметрите околу половината предизвикани од задржување на водата.

Чај од свила од пченка за време на бременоста
Посебно е погоден за трудници бидејќи е благ и нежен, а може да ја ублажи и појавата на едеми, кои се честа и непријатна појава за време на бременоста. Исто така, нежно го чисти и храни уринарниот тракт.

Чај од свила од пченка – подготовка
Овој вкусен чај можете лесно да го подготвите дома. За подготовка на чај се користи сушена свила од пченка.

Кога ги чистите лушпите од пченка, одвојте ги колку што е можно свилените конци.
Ставете ги на решетка надвор од директна сончева светлина додека целосно не испари влагата и не станат малку крцкави. Сушењето може да потрае и до една недела. Чувајте ја пченкарната свила во затворена тегла или хартиена кеса и чувајте ја на ладно и суво место до една година.

Исушените нишки можете да ги мелете во блендер за да добиете свила во прав од пченка. Прашокот дополнително поросете го на вашата храна како на пример на салати, чорби, смути итн.

Рецепт
Пченкарната свила има благ вкус и сладост на пченката, па чајот е многу пријатен за пиење. Неговата содржина на витамин Ц може да спречи кардиоваскуларни болести, а исто така може да го регулира нивото на инсулин, држејќи го нивото на шеќер во крвта под контрола, поради што е толку популарен.

Наполнете сад со две чаши вода и две лажици сушена (или свежа) пченкарна свила.
Покријте го тенџерето и варете на средна топлина додека не зоврие.
Намалете го огнот и оставете го полека да се готви, покриено, 10 минути.
Исклучете ја топлината и оставете го чајот покриен 30 минути.
Исцедете го преку цедалка во шолји и послужете го топол или ладен.
Пијте 2 – 3 шолји дневно како дел од режимот за самолекување. Избегнувајте да пиете чај непосредно пред спиење бидејќи ќе ве тера на мокрење.