Чаша сок од цвекло на ден го намалува ризикот од срцев удар
Пиењето по една чаша сок од цвекло секој ден го намалува ризикот од повторен срцев удар кај пациенти со вграден стент
На илјадници пациенти со коронарна срцева болест им се вградени стентови за проширување на крвните садови и ублажување на ангина. Но, по 5 години, истражувачите забележале дека се зголемува ризикот од нов срцев удар.
Поради оваа причина, тие ги анализирале ефектите на сокот од цвекло и откриле дека пиењето по една чаша сок од цвекло секој ден во текот на шест месеци кај пациентите со стентови ја намалува можноста за повторен срцев удар или за повторен зафат.
Ова е резултат од новото истражување претставено на конференцијата на Британското кардиоваскуларно друштво.
Истражувачите откриле дека 16 проценти од пациентите со ангина имале сериозен срцев или циркулаторен настан, како што е срцев удар или потреба од друга процедура, во рок од две години од поставувањето на стент.
Меѓутоа, кога пациентите секојдневно пиеле сок од цвекло, ризикот паднал на 7,5 проценти.
Околу 10% од пациентите имале рестеноза, состојба во која стентираниот крвен сад повторно се стеснува, а симптомите на срцеви заболувања се враќале во рок од пет години. Затоа на пациентите им се советувало да пијат сок од цвекло.
Кога ширината на крвните садови на пациентите била измерена шест месеци подоцна, садовите на оние кои пиеле сок од цвекло покажале отприлика половина помало стеснување во споредба со оние кои добивале плацебо.
Со запирање на рестенозата, сокот од цвекло може да ги спречи пациентите да се подложат на втора процедура за PCI, која исто така може да не успее, или на многу поинвазивен коронарен артериски бајпас.
Лабораториските експерименти сугерираат дека неорганскиот нитрат, кој природно се наоѓа во сокот од цвекло, би ги имал овие ефекти.
Истражувачите успеаја да покажат дека сокот од цвекло им помага на пациентите поради природно високите нивоа на неоргански нитрати, а се верува дека тоа е причината за позитивните ефекти врз крвните садови на пациентите.