Цикоријата може да ја смири болката во стомакот и да го стабилизира шеќерот
Најпознатата компонента на цикоријата е инулинот кој исто така има и пробиотски ефект, овозможувајќи развој на добри бактерии во цревата
Цикоријата е лековито растение, со горчлив вкус што може да биде замена за кафе. За разлика од кафето, цикоријата не содржи кофеин. Цикоријата содржи кофеинска киселина, кумарска киселина и хлорогена киселина, па затоа се користи како евтина замена за кафе. Богата е со јаглехидрати 89,41 проценти од кои 44,69 проценти инулин во коренот. Се верува дека напитокот од цикорија, со своите корисни својства, може да ни даде енергија, да ја смири болката во стомакот и да го регулира нивото на шеќер во крвта.
Билка што го зајакнува имунитетот
Цикоријата (Cichorium intybus) е плевел, не е кафе, но може да ни обезбеди енергија и да ни го подигне расположението. Најпознатата компонента на цикоријата е инулин, кој исто така има пробиотски ефект, овозможувајќи развој на добри бактерии во цревата. На овој начин, го стимулира варењето, бидејќи служи како храна за „добрите“ бактерии, поради што ја подобрува цревната флора, го зајакнува имунитетот.
Го регулира шеќерот во крвта
Цикоријата е растение кое содржи витамини А, Б6, Б12, Ц, Е, П, К, минерали натриум, магнезиум, калциум, железо и инулин во коренот. Се верува дека инулинот ги штити срцето, крвните садови и црниот дроб и овозможува апсорпција на калциум. Во гастроинтестиналниот тракт, инулинот се претвора во инулин пропионат, со што се олеснува лачењето на инсулин од панкреасот. На овој начин, цикоријата го регулира нивото на шеќер во крвта, па затоа се препорачува и за лица со дијабетес тип 2.
Ги намалува болките во желудникот
Горчливиот вкус на цикоријата може да ги намали болките во желудникот, но исто така влијае и врз излачувањето на токсините од телото. Цикоријата има добар ефект и врз кардиоваскуларниот систем, ги намалува и болките кај артритисот. Се препорачуваат мерки на претпазливост за лица со жолчни камења, а лекарите не ја препорачуваат цикоријата ниту на бремени жени и доилки.
Цикорија и жолчни камења
Цикоријата е растение кое може да го зголеми производството на жолч, па затоа се верува дека може да биде добро во спречувањето на акумулацијата на жолчни камења. Меѓутоа, ако некое лице веќе има жолчни камења, зголеменото производство на жолч може да предизвика болка или дури и напад на жолчни колики. Се верува дека во некои ситуации е подобро да се избегне каква било форма на стимулација на жолчката ако се присутни камења, бидејќи тоа може да предизвика камењата да се помрднат и да дојде до блокада.
Напиток од цикорија
Коренот од цикорија се користи за подготовка на пијалаци кои се сметаат за алтернатива на кафето.
За напиток од цикорија ви се потребни: 3 лажици прашкаст корен од цикорија, 1 лажица какао, 200 мл топла вода. Правот од цикорија се прелива со вода, се додава какао, сè добро се меша. Се пие како замена за кафе наутро. Се верува дека ве буди и ви обезбедува доволно енергија.