Експертите велат дека апстиненцијата од алкохол од две до четири недели помага во намалувањето на воспалението на црниот дроб. Меѓутоа, ако црниот дроб претрпел долгорочно оштетување од алкохол, лекарите може да препорачаат трајно прекинување на консумирањето алкохол, пренесува Archynews.
Без разлика кој е вашиот омилен пијалак, едно е сигурно – алкохолот е голем дел од новогодишните традиции.
Честата прекумерна консумација на алкохол за време на новогодишните празници не е добра за вашето здравје. Затоа не е ни чудо што многу луѓе одлучуваат да направат пауза од алкохолот во јануари и учествуваат во таканаречениот „Сув јануари“. Секако, кај нас тоа не важи бидејќи празниците траат дури до повеќе од половина од јануари.
Сепак, сеедно дали ќе биде тоа „сув јануари“ или „сув февруари“, на вашиот црн дроб му треба мала, но драгоцена пауза.
Но, колку време всушност му е потребно на вашиот црн дроб да се опорави од количината на коктели и чаши што можеби биле консумирани за време на празниците?
Прекумерното консумирање алкохол за време на новогодишните и божиќните празници може да доведе до симптоми како што се мачнини, губење на тежината, слаб апетит, пожолтување на очите и кожата, оток на глуждовите и стомакот, поспаност, па дури и повраќање крв.
Не е исто за секого
Дури и неколку дена прекумерно пиење може да предизвика натрупување на маснотии во црниот дроб. Закрепнувањето од замастен црн дроб често трае околу две недели, а во повеќето случаи, состојбата не остава сериозни последици. Сепак, ситуацијата не е иста за секого. Според Клиниката во Кливленд, закрепнувањето може да трае подолго од две недели.
– Не постои универзален одговор за сите. Сè зависи од тоа колку штета е веќе направена и дали има дополнителни компликации – објаснува д-р Кристина Линденмаер.
Експертите велат дека апстиненцијата од алкохол од две до четири недели помага во намалувањето на воспалението на црниот дроб. Меѓутоа, ако црниот дроб претрпел долгорочно оштетување од алкохол, лекарите може да препорачаат трајно прекинување на консумирањето алкохол, пренесува Archynews.
– Кај пациенти кои имаат цироза по тешко оштетување на црниот дроб, дури и една чаша алкохол може да биде токсична за црниот дроб – додава д-р Кристина Линденмаер.
Ако сакате да го одржите вашиот црн дроб здрав што е можно подолго, најдобрата опција е значително да го намалите внесот на алкохол или целосно да го исклучите. Целосната апстиненција е опција што ја разгледуваат сè повеќе луѓе, а ако успеете да го поминете целиот јануари (или февруари) без алкохол, тоа може да стане доживотна навика.