овесната каша ги има сите главни состојки за здрав појадок, како што се високо растворливи влакна (кои го помагаат варењето), висок процент на протеини и витамини.
Сите веќе знаат дека урамнотежениот појадок е клучен за добар почеток на денот.
Според една студија, оние кои го прескокнуваат, ги пропуштаат основните хранливи материи како калциум, витамин Ц, влакна и други важни витамини и минерали кои често се наоѓаат во вообичаената храна за појадок.
Експертот за долговечност и исхрана од Сината зона, Ден Бутнер, верува дека здравото стареење бара избалансиран појадок.
Според него, идеалниот утрински оброк не мора да биде комплициран туку едноставен како овесната каша.
Бутнер открива на својот Инстаграм како ги јаде овесните снегулки и како им ја зголемува хранливата вредност.
Покрај тоа што има одличен вкус, Бутнер објаснува дека овесната каша ги има сите главни состојки за здрав појадок, како што се високо растворливи влакна (кои го помагаат варењето), висок процент на протеини и витамини.
Иако чинија обична овесна каша можеби не звучи привлечно за многумина, Бутнер сака да ја збогатува со висококвалитетни состојки кои се и хранливи и вкусни.
Тој на својата каша ѝ додава бадеми, урми и јаворов сируп и ја вари во млеко од соја.
Избор на вистинскиот тип на овес
За повеќе хранливи материи, важно е и која овесна каша ќе ја изберете.
Бутнер избира режан овес познат како steel cut oats, бидејќи содржи 12,5 грама протеини, 10 грама влакна и 350 милиграми калиум на порција од 100 грама.
Иако инстант или ситниот овес има свои предности, сечениот овес сепак има повеќе.
Имено, тој е најмалку обработен, поради што има повеќе бета-глукан, вид растворливи влакна кои се одлични за здравјето на цревата и срцето и имаат вкусна текстура.
Дополнително, на овој овес му треба подолго време за готвење во споредба со ситниот овес.
Нему му се потребни 30 до 40 минути за да омекне и да ја апсорбира течноста за варење, додека на ситниот овес му требаат само неколку минути за да се подготви.
На крајот на краиштата, изборот е ваш.
Предлог за солена овесна каша
Можете исто така да направите солена овесна каша ако не сакате да јадете слатко за појадок.
За да ги задоволите и натаму правилата на исхрана во Сината зона, диететичарката Кајли Сакаида за Well+Good донесува рецепт за солена овесна каша која има 21 грам протеини и е богата со влакна.
Наместо да го засладите овесот со јаворов сируп и урми, Сакаида предлага овесната каша да се готви во супа од пилешки коски, а можете да додадете и свеж спанаќ кој е богат со фолна киселина, соја сос, пржено јајце и малку масло од чили.