Ги фрлате семките од грозјето? Дознајте зошто тоа не е добра идеја

Грозјето се одгледува со илјадници години, а се споменува дури и во грчката и римската митологија, со акцент на опојните својства на виното, екстрактот од грозје.

Благодарение на бројните хранливи материи и антиоксиданти што ги содржи, грозјето дава бројни придобивки за нашето здравје.

Нутритивна вредност

Една чаша (150 г) црно или бело грозје ќе обезбеди дури повеќе од една четвртина од вкупните дневни потреби за витамини Ц и К, како и цела низа други важни витамини и минерали.
Вкусот на семките од грозје, кои се наоѓаат во бобинките, не е толку примамлив, па многу луѓе ги плукаат, со што се откажуваат од одличен извор на хранливи и здрави материи.

Влијание врз здравјето
Богатство на антиоксиданти во служба на превенција од хронични болести

Антиоксидантите се соединенија природно присутни во растенијата и помагаат да се поправат оштетувањата на клетките што се јавуваат како резултат на дејството на слободните радикали, штетни молекули кои предизвикуваат оксидативен стрес во телото.

Оксидативниот стрес пак, е состојба поврзана со бројни хронични болести, вклучувајќи дијабетес, малигни тумори и кардиоваскуларни болести.

Грозјето е богато со цела низа моќни соединенија со антиоксидантна активност, а највисоки концентрации може да се најдат во кората и во семките на грозјето.

Интересен е фактот дека црното грозје содржи поголем процент антиоксиданти, токму поради содржината на антоцијани кои му ја даваат карактеристичната темна боја.

Покрај тоа, процентот на антиоксиданти во грозјето останува зачуван дури и по ферментацијата, така што црвеното вино е исто така богато со овие корисни соединенија.

Најпознатиот антиоксидант во грозјето е ресвератролот, кој спаѓа во групата на полифеноли.

Бројни студии досега потврдија дека ресвератролот игра улога во заштитата од болести на срцето и крвните садови, го намалува нивото на гликоза во крвта и штити од развој на различни форми на рак, како што е ракот на дојката или дебелото црево.

Меѓу другите моќни антиоксиданти кои се наоѓаат во грозјето, треба да ги истакнеме витаминот Ц, бета каротенот, кверцетинот, ликопенот и елагичната киселина.

Намалување на нивото на шеќер во крвта

Една шолја грозје содржи 23 г шеќер, што ја прави оваа храна одличен избор за лица со дијабетес. Имено, вредноста на гликемискиот индекс, мерка која покажува колку одредена храна влијае на зголемувањето на нивото на гликоза во крвта, за грозјето е 53, што го вклучува во групата на намирници со низок гликемиски индекс.

Дополнително, се покажа дека ресвератролот од грозјето ја зголемува чувствителноста на инсулин, што може да ја подобри способноста за искористување на гликозата или да го намали нивото на гликоза во крвта.

За подобра меморија и расположение

Истражувањата покажуваат дека грозјето содржи соединенија кои можат да ја подобрат меморијата, концентрацијата и расположението.

Така, резултатите од 12-неделната студија објавена во 2017 година во списанието Frontiers in pharmacology покажаа дека земањето 250 г додаток во исхраната што содржи грозје значително ги подобрува резултатите од когнитивниот тест кој вклучува мерење на внимание, меморија и говор.

Друга студија објавена во European Journal of Nutrition во која учествуваа млади возрасни покажа дека сокот од грозје може да ја подобри меморијата и расположението дури и 20 минути по пиењето на сокот.

Грозје за долговечност

Се покажа дека ресвератролот од грозјето може да ги активира гените поврзани со забавување на стареењето и подолг животен век.

Грозјето во кујната

Грозјето е сестрана храна и многу е лесно да се вклопи во секое јадење, било да е тоа појадок, ручек или вечера.

Еве неколку идеи:

Послужете свежо или замрзнато грозје како едноставна закуска.
Бобинки од грозје одлично се комбинираат со солени јадења, како што се салатите и се незаменлива состојка во вкусните овошни салати.
Свежото грозје или сокот од грозје ќе го збогати секое смути за појадок или ужина.
Грозјето е исто така одличен додаток на секоја шарена чинија со сирења и други предјадења.