Заборавете на гладувањето и бескрајните диети, здравиот и вкусен појадок може да биде клучот за вашето слабеење. Испробајте ги овие три појадоци и ослабете додека седите пред компјутерот
Започнувањето на денот со вистинскиот оброк може да направи огромна разлика не само во нивото на енергија, туку и во тоа како го контролираме гладот во текот на денот.
Наместо да посегнувате по брза храна или непланирани грицки, паметниот појадок може да ви помогне да останете сити, задоволни и фокусирани. Ако избирате оброци што го стабилизираат шеќерот во крвта и обезбедуваат долготрајно чувство на ситост, нема да посегнувате по слатки пред ручек. Покрај тоа, ќе се чувствувате полесно и поенергично по само неколку дена.
Ви претставуваме три појадоци за кои е докажано дека помагаат во слабеењето.
Пенести палачинки
Состојки:
3 јајца
3 лажици млеко
3 лажици брашно
1 лажица шеќер
Упатство за подготовка:
Изматете ги белките, а жолчките оставете ги настрана. Измешајте ги жолчките и додадете го шеќерот, а потоа дополнително матете ја смесата со миксер. Додадете млеко и брашно и мешајте понатаму, а на крај додадете ги белките во истата смеса и сè нежно измешајте.
Намрсете ја тавата со малку путер и кога ќе се загрее, ставајте мали порции од подготвената смеса. Брзите, слатки и меки палачинки се готови!
Намаз од бејби спанаќ со крекери
Состојки:
3 лажици грчки јогурт
чаша бејби спанаќ
малку лук по желба
сол, црн пипер
маслиново масло
Упатство за подготовка:
Ставете една чаша бејби спанаќ, лук, маслиново масло, зачини и јогурт во блендер. Сè добро измешајте и вашиот намаз е готов. Префрлете го намазот во сад и сервирајте со крекери или леб од цело зрно направен од поздрави житарки. Можете да го однесете на работа ако брзате.
Лепче од домати
Состојки:
2 јајца
ситно сечкан домат
власец
мала чаша брашно
маслиново масло
сол
пипер
Упатство за подготовка:
Изматете 2 јајца во сад. Исечкајте го доматот на помали парчиња и додадете го во садот со јајцата и измешајте. Додадете власец, сол и црн пипер, маслиново масло, половина лажичка сода бикарбона и брашно и сè добро измешајте. Премачкајте го садот за печење со маслиново масло и наполнете го со смесата за леб. Ставете во претходно загреана рерна на 170 степени и печете.