Шведската маса е прекрасна работа, раскошна и неодолива, без разлика дали сте во хотелски ресторан или на некој настан. Сепак, самопослужувањето бара почитување на основните правила на пристојност и однесување, така што сите гости можат да уживаат во понудата и да се чувствуваат пријатно.
На шведска маса, треба да обрнете внимание на бонтонот; од тоа да не се користи истата чинија повеќе од еднаш, до тоа да не се јаде додека сме сè уште во ред, бидејќи таквото однесување лесно може да ја наруши хигиената и да го расипе пријатното искуство за другите гости. Прочитајте што никогаш не треба да правите следниот пат кога ќе се најдете на шведска маса.
Повторно користење на чинијата
Дали некогаш сте се запрашале зошто на шведските маса често има знаци што ве потсетуваат секој пат да користите нова чинија? Причината е едноставна: бактериите лесно можат да се шират на шведската маса. Имено, кога јадете, чинијата и приборот за јадење доаѓаат во контакт со плунка. Ако ја вратите истата чинија назад кај храната, постои ризик лажиците за сервирање да ја допрат контаминираната чинија, а вие несвесно ќе ширите бактерии.
Мешање на лажиците за сервирање
Секоја храна треба да има посебна лажица за сервирање или фаќалка. Никогаш не користете еден прибор за повеќе јадења. Ова го спречува преносот на бактерии од една храна на друга, што е особено важно за луѓе со алергии или со чувствителен стомак.
Дозволување децата сами да скокаат околу масата
Не дозволувајте децата сами да трчаат околу масата! Иако можеби вашето дете е вистински ангел, децата не ги разбираат правилата на шведската маса и немаат самоконтрола. Никој не сака детските прсти да завршат во пудингот или да ги допираат чистите чинии.
Земање повеќе отколку што можете да изедете
Да, шведската маса работи на принципот „јади колку што можеш“, но не и „фрли колку што можеш“. Фрлањето храна ѝ штети на животната средина и ги зголемува трошоците за ресторанот, што може да резултира со повисоки цени. Ако не сте сигурни дали нешто ќе ви се допадне, обидете се со тоа што ќе земете малку за проба.
Неизмиени раце
Сите ги допираат лажиците за сервирање, а не знаете кој што допрел пред вас, затоа не заборавајте да ги измиете рацете. Или барем користете обилна количина дезинфекциско средство пред да застанете во ред. А ако имате настинка, направете им услуга на сите и држете се подалеку.
Провлекување под заштитната преграда
Ако има транспарентна заштитна преграда, таа не е таму за декорација; таа е таму за да ја заштити храната од кивање и кашлање. Наменета е под неа да одат вашите раце, а не вашата глава. Ако не можете да допрете нешто, побарајте од персоналот. Ако мора да кивнете или да се накашлате, повлечете се назад и направете го тоа во лактот.
Јадење додека чекате во ред
Можеби е примамливо да земете шери доматче од чинијата за салата или да грицкате пилешки медалјон додека чекате, но не го правете тоа. Јадењето на нозе на шведска маса може невидливо да шири плунка, а со тоа и бактерии. Ако сакате да пробате нешто, направете го тоа на вашата маса.
Допирање на храната и нејзино враќање
На шведска маса, не треба да ја допирате храната со голи раце, но ако веќе сте допреле нешто, тоа оди на вашата чинија, без разлика дали ви се допаѓа или не. Ова често се случува со леб, колачи и кроасани – не ги чепкајте со прстите барајќи го најдоброто парче. Користете фаќалка.
Разговорање на мобилен телефон додека сте во ред
Разговорот на мобилен телефон не само што ги вознемирува луѓето околу вас, туку го зголемува и ризикот од ширење на плунка преку капки. Особено, ако зборувате гласно! Плус, додека се обидувате да ги држите чинијата и телефонот истовремено, лесно можете да пренесете бактерии на лажиците за сервирање, пишува Cheapism.