Може да се потпечат во тава, да се јадат самостојно или да се додаваат во разни јадења
Грицкањето јаткасти плодови е одличен начин да се контролира гладот помеѓу оброците. Покрај тоа, тие секогаш се подобар избор од оние преработени грицки, кои се полни со масти и јаглехидрати. Веќе е добро познато дека овие практични јаткасти плодови се богати со антиоксиданти, хранливи материи како што се витамините Е, Ц и магнезиум, можат да го поддржат целокупното здравје и потенцијално да го намалат ризикот од хронични заболувања и да помогнат во регулирањето на телесната тежина.
Јаткасти плодови со висока содржина на протеини
Меѓу другото, вклучувањето на јаткасти плодови во вашата исхрана ќе обезбеди често занемарен доволен внес на протеини и ќе создаде чувство на ситост. Подолу, ви ги претставуваме оние јаткасти плодови по кои секогаш треба да посегнете во вашиот ранец или чанта.
Кикиритки
Овие широко достапни мешунки имаат изненадувачки висока содржина на протеини, дури седум грама протеини на 28 грама кикиритки. Тие содржат малку повеќе протеини од јајцата и нудат малку крцкава, кремаста текстура што е идеална за правење домашен путер. Купувајте ги цели со лушпа.
Бадеми
Содржат шест грама протеини на 28 грама бадеми. Сировите или печените бадеми се вкусна ужина што може да се јаде самостојно или да се додаде во разни салати. Од нив може да се направи и вкусен напиток, а оние со целијакија можат да ги користат како алтернативно и вкусно брашно. Дополнително, бадемите се богати со калциум, кој е неопходен за градење на коските.
Ф’стаци
Како и бадемите, овие јаткасти плодови содржат и шест грама протеини на 28 грама. Околу 49 ф’стаци обезбедуваат 13 проценти од стандардниот препорачан дневен внес на протеини. Поради нивната солена текстура, тие се одлична ужина за забави или после физичка активност.
Пињоли
Можеби не ги користиме толку често, но овие мали плодови му обезбедуваат на телото голема количина на протеини и разни витамини, како што се Е и К, како и магнезиум и железо.
За совршено песто, заедно со билки и маслиново масло, не заборавајте да додадете пињоли. Исто така, за поголема крцкавост во секој залак, ставајте ги и во ќофтиња. 28 грама пињоли содржат околу четири грама протеини.
Ореви
Поради изобилството на омега-3 масни киселини, оревите се меѓу најздравите јаткасти плодови. Оваа растителна маст помага во борбата против хроничното воспаление. Не заборавајте да додадете ореви во вашите јадења со тестенини. 28 грама ореви имаат четири грама протеини.
Индиски ореви
Оваа храна со полн вкус е богат извор на протеини, цинк, бакар и магнезиум. Со нивната кремаста текстура, индиските ореви се одлична замена за млечни производи. Сварете ги со вода и зачини, а потоа направете кремасто пире. 28 грамаиндиски ореви содржат четири грама протеини.
Лешници
Со малку сладок вкус, тие се совршен партнер на чоколадото. Измешајте ги со други јаткасти плодови за идеална ужина за јадење во движење. Дополнително, печете ги 10 минути на 160 степени Целзиусови за поинтензивен вкус. И еве еден совет за лесно отстранување на кората – откако ќе ги извадите од рерна, завиткајте ги лешниците во кујнска крпа и енергично протресете. Поголемиот дел од кората ќе се отстрани веднаш. 28 грама од овие плодови содржат четири грама протеини.
Бразилски ореви
Најдобриот збор за опишување на бразилските ореви е селен. Имено, само еден орев задоволува повеќе од 100 проценти од препорачаниот дневен внес за возрасни. Содржи 2.500 пати повеќе селен од кој било друг јаткаст плод. Затоа, еден до два бразилски ореви се сосема доволни за еден ден. Повеќе од тоа може да доведе до труење со селен. Како и претходните јатки, 28 грама бразилски ореви содржат четири грама протеини.