Нашата исхрана треба да се базира на свежи, локално набавени состојки, а да се избегнуваат оние што се „надвор од сезона“. Еве листа од намирници што треба да ги избегнувате во зима, како и алтернативи за истите
Колку повеќе време поминува помеѓу берењето на производот и неговото консумирање, толку помалку хранливи материи имаат плодовите, вели Елизабет Сомер, авторка на книгата „Eat Your Way to Happiness“.
Затоа нашата исхрана треба да се базира на свежи, локално набавени состојки, а да се избегнуваат оние што се „надвор од сезона“.
Шпаргла
Шпарглата може да се најде во продавниците речиси цела година, но е најдобра во пролет, кога врвовите се цврсти и вкусни. Зимските шпаргли доаѓаат од латиноамериканските земји, па затоа се многу „дрвенести“ и без вкус.
Наместо тоа, изберете:
Прокељ, кое припаѓа на семејството крстоцветни растенија и е богато со витамин Ц, кој го зајакнува имунитетот, и витамин К, кој придонесува за здравјето на коските.
Праски
Праските се најсочни и најслатки во лето. Тешко се наоѓаат во продавниците по август.
Ако ги најдете, веројатно се увезени од Јужна Америка.
Наместо тоа, одлучете се за:
Цитрусни овошја како портокали, кои се богати со слатко-кисел сок и витамини и минерали кои го штитат телото од сезонски настинки и грип.
Свеж грашок
Слаткиот и нежен грашок е пролетен деликатес и се смета за еден од најчистите зеленчуци на пазарот. Зимскиот грашок, пак, има брашнеста текстура и слаб вкус.
Наместо тоа, одлучете се за:
Замрзнат грашок, кој се бере во текот на сезоната и задржува вкус сличен на оној во пролет.
Пченка на кочан
Варената или печена пченка е подобар избор од чипсот, но свежите кочани во зима не се ни приближно толку вкусни како летните, полни со слатки и нежни зрна.
Наместо тоа, изберете:
Замрзната слатка пченка, поздрава алтернатива која ги задржува хранливите материи како лутеин.
Јагоди
Ако најдете јагоди во зима, имајте предвид дека веројатно поминале месеци во замрзнувач. Нема да имаат вкус или арома, а нивните хранливи материи ќе бидат изгубени со текот на времето.
Наместо тоа, изберете:
Замрзнати бобинки, набрани во нивната најголема сочност, совршени за правење пити, кишови и други десерти.
Домати
Доматите го достигнуваат својот врвен вкус и сочност кон крајот на летото. Доматите што се во замрзнувач со месеци ја губат својата свежина, вкус и содржина на ликопен.
Наместо тоа, изберете:
Конзервирани излупени домати или пире од домати, за супи, чорби и сосови. Доколку е можно, изберете органски домати во тегла без конзерванси.
Боровинки
Боровинките не се само скапи во зима, туку имаат и помалку витамин Ц и се повеќе склони кон расипување.
Наместо тоа, изберете:
Замрзнати боровинки, кои се исто толку здрави како свежите, со речиси иста количина на антиоксиданти.