Лукот делува на високиот холестерол: Кој вид е најефикасен?

Поради своите лековити својства, лукот со векови се користи во народната медицина. Со цел да се докаже ефикасноста на овој зеленчук или зачин, направени се многу истражувања за ефектите на лукот врз нивото на холестерол во крвта.

Резултатите од истражувањата покажале дека внесот на лук може да го намали нивото на холестерол, додека, од друга страна, некои анализи сметаат дека лукот нема ефект врз намалувањето на холестеролот.

Лукот содржи лековит алицин

Меѓу научните студии кои покажале дека лукот може да го намали нивото на холестерол, мислењата се различни за тоа кои видови лук се најефективни.

Истражувачите наведуваат дека чешнињата од сиров лук содржат супстанца наречена алиин – органосулфурно соединение кое поседува хемотерапевтска активност и се добива од сите чешниња кои припаѓаат на семејството Alliaceae. Алиинот се претвора во соединение базирано на сулфур наречено алицин кога е изложено на воздух.

Алицинот е супстанца која му дава на лукот карактеристичен мирис и е главната здравствена состојка на лукот. Содржи кислород, сулфур и други хемикалии кои му даваат на лукот антибактериски својства и својства за борба против болести.

Алицинот е нестабилна супстанца која е присутна само накратко во младиот лук откако ќе се исече или згмечи. Со сечкање или дробење свежо чешне лук се ослободува повеќе алицин отколку кога се користи целото чешне и најдобро е да се искористи веднаш за да се добие максимална корист. Студиите го поврзуваат алицинот со бројни здравствени придобивки, како што се:

намалување на „лошиот“ ЛДЛ холестерол
подобрување на имунитетот
намалување на крвниот притисок.

Кои видови лук најефективно го намалуваат холестеролот?
Начинот на подготовка на храната влијае на количината на алицин, а различни производи од лук ќе го намалат нивото на холестерол со различни брзини, тврдат научниците и како најделотворни видови лук ги истакнуваат:

Екстракт од црн лук: Темно кафеав или црн лук се добива со стариот метод со држење на главицата лук или на чешнето лук на ниска температура и висока влажност неколку недели.
Киоличен екстракт од лук: Вид на стар екстракт од лук (AGE).

Kyolic лукот е екстракт без мирис кој луѓето го складираат за да „старее“ природно, односно да се суши до 20 месеци. Овој црн лук настанува со процес на ферментација со оставање на сировиот лук да отстои неколку недели. Прво станува кафеав, а потоа поцрнува.
Сиров лук: Лук во природна форма.
Лук во прав: Зачин направен од дехидриран сиров лук.
Масло од лук: масло направено од згмечен лук на пареа.
Таблети од лук: тие може да содржат лук во прав или масло и обично немаат мирис.

Научниците се разликуваат во однос на тоа кој тип на лук е најефикасен за намалување на нивото на холестерол. Истражувањата покажале, на пример, дека екстрактот од киоличен лук – вид на стар екстракт од лук (AGE) може да обезбеди најконзистентни придобивки во намалувањето на вкупниот холестерол во споредба со другите видови лук.

И лукот во прав и маслото од лук се издвојуваат како ефикасни во намалувањето на холестеролот.

Истражувањето од 2020 година наведува неколку студии кои покажуваат дека стариот (киоличен) екстракт од црн лук го намалува „лошиот“ ЛДЛ холестерол и го зголемува нивото на „добриот“ ХДЛ холестерол. Во тие студии, учесниците земале 300 милиграми или 6 грама стар екстракт од црн лук двапати дневно во период од 4 или 12 недели.

Од друга страна, се смета дека згмечениот односно, лук во прав е неефикасен во намалувањето на нивото на холестерол во крвта. Авторите на студијата го припишуваат ова на можното губење на алицин за време на обработката на лукот.