Редовното консумирање на овие јаткасти плодови е поврзано со пониски нивоа на холестерол, подобрена когнитивна функција и намален ризик од хронични болести како срцеви заболувања и дијабетес.
Во потрагата по оптимално здравје и долговечност, научниците често наоѓаат позитивни примери во сините зони – региони со висок процент на стогодишници.
Кај нив генерално преовладуваат следните карактеристики: Исхрана која е главно растителна, богата со зеленчук, овошје, мешунки и цели зрна, со ограничена потрошувачка на месо.
Редовна и умерена физичка активност како дел од дневната рутина, како што се пешачење или градинарство.
Силни семејни врски, вклученост во заедницата кои обезбедуваат емоционална поддршка и чувство на припадност.
Чувство за цел што ги мотивира поединците и им дава смисла на нивните животи.
Практиките како што се медитација, молитва, дремење и поминување време со саканите се моќни алатки за намалување на стресот.
Грицкање јаткасти плодови
Покрај тоа, населението во сините зони често консумира јаткасти плодови, за кои, и покрај високата содржина на калории, се верува дека придонесуваат за здравје и долговечност.
Јаткастите плодови се богати со есенцијални хранливи материи и здрави масти, па така полинезаситените масти присутни во оревите и пињолите го поддржуваат здравјето на срцето и го намалуваат воспалението.
Мононезаситените масти се наоѓаат во бадемите, ф’стаците, пеканот и лешниците и помагаат во регулирањето на нивото на холестерол и го подобруваат здравјето на срцето. Иако бразилските ореви, индиските ореви и макадамијата содржат поголеми количини на заситени масти, тие се исто така богати со есенцијални хранливи материи како селен, магнезиум и протеини.
Здраво срце, когнитивна функција и имунитет
Дополнително, јаткастите плодови се богати со диетални влакна, протеини и витамини како витамин Е, калиум и фолна киселина. Заедно, овие хранливи материи го поддржуваат здравјето на срцето, когнитивната функција и имунитетот.
Идеална мешавина на јаткасти плодови за долговечност
Поттикнати од овие придобивки, експертите од Иницијативата Сини зони анализирале повеќе од 150 нутриционистички студии за да ја идентификуваат оптималната мешавина на јаткасти плодови за долговечност.
Идеалниот микс го споделија на Инстаграм, а тој вклучува:
Бадеми: Богати се со витамин Е и магнезиум, корисни за здравјето на кожата и коските.
Кикиритки: Тие се полни со протеини и фолати, кои се клучни за растот и обновувањето на клетките.
Индиски ореви: Тие се добар извор на магнезиум, кој е неопходен за функцијата на мускулите и нервите.
Бразилски ореви: Тие содржат висок процент на селен, кој е поврзан со помал ризик од одредени видови на рак.
Ореви: Тие содржат алфа-линоленска киселина и омега-3 масни киселини важни за здравјето на мозокот.
Редовното консумирање на овие јаткасти плодови е поврзано со пониски нивоа на холестерол, подобрена когнитивна функција и намален ризик од хронични болести како срцеви заболувања и дијабетес.
Препорачаната дневна количина е две шаки мешани јаткасти плодови, што е приближно по 30 грама од сите, што според препораките на Сините зони, ветува подолг живот за дури две до три години. Дополнително, не заборавајте дека јаткастите плодови кои треба да се излупат, како ф’стаците или оревите, можат да ја забават консумацијата и да придонесат за повнимателен начин на исхрана, потенцијално намалувајќи го севкупниот внес на калории.