Благодарение на сложениот состав, невенот се користи за лекување на широк спектар на болести. Цветот се јаде и е полн со витамини Ц и А, па ливчињата може да се додадат во салата, или да се исушат и да се користат како зачин или како чај.
Невенот е широко користен како лек во народната медицина. Ова растение се користи со векови и со векови спасувало човечки животи. И денес се користи за подобрување на здравјето и на децата и на возрасните.
Успева на разни видови почви, во различни климатски услови, се размножува и не му треба многу грижа.
Нè учи не само на физичка, туку и на ментална виталност, како да ни кажува дека, без разлика какви околности имаме во животот, секогаш треба да се свртиме кон сонцето и никогаш да не се откажуваме.
Употреба во фитофармацијата
Невенот (calendula officinalis) е едногодишно растение кое веројатно има најдолга и најразновидна употреба низ историјата. Иако неговите својства се одамна потврдени во народната медицина, тој е препознаен и од модерната медицина. Германската комисија Е ја потврдила неговата исцелителна моќ во заздравувањето на рани, чиреви и смирување на воспаленијата, а Европската медицинска агенција наведува голем број на индикации и документирана употреба, од проблеми со кожата, преку воспаление на дигестивниот систем, устата и грлото, нарушувања на црниот дроб до супресија на растот на туморот.
Но, ова се само дел од многуте употреби на ова неверојатно растение.
Па, да видиме што сѐ може да направи невенот:
Естрогенскиот ефект на невенот им помага на жените со балансирање на менструалниот циклус, помага при воспалителни процеси, болна менструација, неправилен циклус, дисменореа, ПМС, го намалува зголеменото лачење, кандидата, ја штити матката, ги смирува болките во брадавиците и маститисот кај доилките, но е исто така корисен во менопаузата бидејќи ги ублажува топлите бранови и други непријатни симптоми во преодниот период,
Невенот е одличен во дерматологијата: ја смирува воспалената кожа, егзема, дерматитис, псоријаза, себореа, херпес, детски осип, чиреви, габични заболувања, ја навлажнува кожата и спречува лупење, го ублажува чешањето од каснување од инсекти, спречува инфекции и декубитус кај пациенти кои долго лежат, помага кај изгорениците и помага за негово заздравување, а исто така е добар за слузокожата и за воспаление на непцата.
Невенот има исклучителни регенеративни својства и докажано го смирува воспалението и го забрзува процесот на заздравување на раните.
Зазема посебно место во козметиката за најразновидните процеси на кожата: спречува и третира акни, ја затегнува, омекнува и ја храни кожата на лицето и телото, ја подмладува, ги ублажува брчките, ги затвора раширените пори, штити од сонце и отстранува дамки и старечки дамки,
Одличен е при диети затоа што помага да се исфрли вишокот вода од телото, ја активира лимфата, го зголемува потењето и детоксикацијата на телото, го забрзува метаболизмот,
Благотворно делува на дигестивниот систем: го смирува желудникот и ги ублажува грчевите, гастритисот, чиревите на желудникот и дванаесетпалачното црево, ги чисти црниот дроб и жолчката.
Одличен е за крвните садови: Има способност да ги прочистува крвните садови, ги опушта и го зголемува луменот и го намалува нивото на холестерол во крвта, особено во комбинација со глуварче, глог или анасон. Смирува воспаленија, модринки, одличен е за артериосклероза, ја подобрува циркулацијата и ги ублажува срцевите палпитации, често се користи за лекување на болни и чести хемороиди и е идеален за проширени вени.
Неодамнешните истражувања покажаа дека невенот го намалува крвниот притисок и има благо седативно дејство бидејќи ги опушта крвните садови и го зголемува луменот, па затоа се препорачува и за ангина пекторис.
Ладен чај од невен се користи за миење на очите во случај на воспаление и конјунктивитис
Невенот го зајакнува имунитетот на целиот организам, а студиите докажале дека делува како антибактериско, антигабично, антисептично, антиинфламаторно, антивирусно, антитуморно и антиканцерогено, додека најновите истражувања велат дека е ефикасен и при борбата против ХИВ вирусот.
Невенот се користи и надвор од фитотерапијата: природната боја на невенот се користи како додаток на храна, поради што е познат и како „шафран за сиромашните“.
Цветот се јаде и е полн со витамини Ц и А, па ливчињата може да се додадат во салата, или да се исушат и да се користат како зачин.
Невенот е популарно познат и како природен барометар: ако цвеќињата се затворат наутро, сигурно ќе врне. Покрај тоа што е многу лековит, цветот на невенот со својата убавина и мирис ја комплетира сликата на изобилството со кое зрачи. Неговата магија сјае како сонце: секогаш и секаде.