Оброк број 1 – за стабилно ниво на шеќерот во крвта
Одржувањето на стабилно ниво на шеќерот во крвта не е важно само за дијабетичарите. Важно е за целокупното здравје.
Нутриционистите откриваат кој е најбитниот оброк кој доколку го вклучите во вашата секојдневна исхрана ќе помогне за одржување на стабилно ниво на шеќерот во крвта.
Одржувањето на стабилно ниво на шеќерот во крвта не е важно само за дијабетичарите, за одржување на тежината и кондицијата, туку и за целокупното здравје.
Одржувањето на балансиран шеќер во крвта е важно за да се спречат сериозни долгорочни здравствени проблеми, како што се срцеви заболувања, болести на бубрезите и губење на видот.
Кога долго време имате висок шеќер во крвта, тоа ги оштетува крвните садови, органите, ткивата и нервите. Кога вашите крвни садови се оштетени, крвта не тече правилно до срцето, мозокот и другите органи во телото. Ова може да доведе до мозочни и срцеви удари, слепило, оштетување на нервите и ампутации, вели терапевтската диететичарка Лена Бил за Piedmont Health.
Она што го јадеме има директно влијание на шеќерот во крвта – и позитивно и негативно.
Според нутриционистите, ова е храна број 1, за стабилно ниво на шеќерот во крвта.
Скромниот грав
Една од најдобрите закуски за стабилен шеќер во крвта е гравот.
Ако постои една храна што секој треба да ја јадете редовно, тоа би било скромното гравче.
Гравот е интересна храна бидејќи е комбинација од комплексен скроб, протеини и влакна. Совршен е за да помогне во контролата на нивото на шеќер во крвта, но и фантастичен за намалување на ризикот од срцеви заболувања.
А да не зборуваме и за тоа дека многу студии покажуваат дека вклучувањето повеќе грав во исхраната ја поддржува долговечноста, истакнува Кетрин Перез за Parade.
Истражувањата покажуваат дека гравот е неверојатно корисен за луѓето со дијабетес.
Една шолја грав или леќа секој ден, во комбинација со диета со низок гликемиски индекс, може да помогне во намалување на нивото на шеќер во крвта и ризикот од коронарна артериска болест кај пациенти со дијабетес тип 2.
Мешунките помагаат да се намали одговорот на шеќерот во крвта и да се намали крвниот притисок тврди Harvard Health.
Долгорочен ефект врз шеќерот во крвта
Јадењето грав како меѓуоброк има здравствени придобивки кои продолжуваат и наредниот ден, велат експертите.
Гравот го намалува нивото на шеќер во крвта не само за време на оброк, туку дури и неколку часа подоцна или следниот ден, вели др. Мајкл Грегер.
Добри јаглехидрати
Едноставните јаглехидрати имаат тенденција да го подигнат шеќерот во крвта, но гравот, сувиот грашок и мешунките го немаат истиот ефект.
Овие намирници се протеински суперѕвезди од растително потекло бидејќи се преполни со влакна, фолна киселина, калиум, железо и цинк.
Постојат различни видови на грав и различни видови на мешунки како наут, грашок и леќа кои нудат низа придобивки преполни со хранливи материи.
Овие растителни протеини содржат јаглехидрати, но 1⁄2 чаша исто така обезбедува протеини колку 28,5 грама месо без заситени масти, вели Американското здружение за дијабетес.
Разновидна и вкусна храна
Има толку многу начини да уживате во мешунките, без разлика дали тоа е хумус, печен наут за салата, такоси од леќа, црвен грав и ориз и многу повеќе.
Можете ли да верувате дека од грав може да се направат и вкусни десерти?
Брауни со црн грав, блондинки од бел грав и чоколадни колачи се опции што може да се направат со варен грав! Брашно од мешунки, како брашно од наут, може да се купи во продавниците, тоа го препорачува Академијата за исхрана и диететика.