Останавте без леб?
Имаме одличен рецепт како да направите брзо лепче, без чекање и месење
Ова е еден од омилените рецепти, оние кои не бараат од вас ниту многу време, ниту многу труд.
Потребни се само неколку состојки кои веројатно ги имате дома и половина час од вашето време.
Состојки:
1,5 шолјички интегрално брашно
1,5 шолјички бело брашно
2 шолјички јогурт
1 лажичка сол, 1 прашок за пециво
1 жолчка и по желба сусам за поросување
Приготвување:
Замесете тесто од состојките и веднаш поделете го на два дела или дури и на 4 ако сакате да добиете малечки лепчиња. Ние направивме две.
Можете да ги засечете со нож, но и не мора. Премачкајте ги со жолчката и поросете со сусам.
Печете ги во загреана рерна на 200 степени околу 20 минути.