Дали некогаш сте посегнале по компир и сте виделе зелена нијанса под лушпата? Иако на почетокот можеби не изгледа како причина да го фрлите, експертите предупредуваат: Не се обидувајте да ги спасите зелените компири со готвење или печење. Високите температури нема целосно да ги отстранат токсините.
Сигурно барем некогаш ви се случило компирите што сте ги купиле, да позеленат.
Ова не е само естетски проблем. Кога компирот ќе дојде во контакт со светлина, почнува да произведува хлорофил, зелен пигмент кој сам по себе е безопасен. Меѓутоа, таму каде што има хлорофил, често има и соланин, токсичен гликоалкалоид што растението природно го произведува за да се одбрани од штетници.
Зелената боја е знак за тревога
Со други зборови: Зелената боја е знак за тревога.
Соланин се акумулира најмногу веднаш под лушпата, а во поголеми количини може да предизвика низа симптоми на труење: од гадење и повраќање до вртоглавица и грчеви во стомакот. Не обидувајте се да ги спасите зелените компири со готвење или печење. Високите температури нема целосно да ги отстранат токсините.
Може ли да се спаси зелениот компир?
Во некои случаи – да. Ако површината е малку зелена, а месото под кожата е со нормална боја – можете да го излупите дебелиот слој и да го отстраните зелениот дел. Меѓутоа, ако поголемиот дел од коренот е зелен, најдобро е да го фрлите.
Како да спречите компирите да позеленат?
Компирите треба да се чуваат на темно, ладно и суво место – идеално во подрум или во затворена кутија. Никогаш не ги чувајте на кујнскиот пулт или во близина на прозорец, бидејќи светлината го стимулира создавањето на соланин. Хартиените кеси се идеални, а избегнувајте пластични кеси, кои ја задржуваат влагата.