Тој е дел од индиската култура и често има симболично значење во социјалните односи
Масала чаи е традиционален индиски зачинет чај кој се прави со подготовка на црн чај со мешавина од зачини, млеко и засладувач како шеќер или мед.
Името потекнува од два збора – масала, што значи мешавина од зачини и чаи, што значи чај, а Индијците знаат да уживаат во него во доцните попладневни часови.
Згора на тоа, овој ритуал е дел од нивната култура и има симболично значење – топлина, добредојде и заедништво. Затоа, не е чудно што неговата популарност се прошири низ целиот свет.
Зачини кои даваат посебна нота
Вообичаени зачини во овој црн чај се каранфилче, кардамон, ѓумбир и црн пипер.
Исто така, некој ќе користи ѓумбир, ѕвездест анис, анасон семиња или морско оревче.
Се користи кравјо млеко, но ако сакате, можете да користите и алтернативи од растително потекло како бадемово или млеко од соја.
Исто така, доколку избегнувате шеќер, во чајот можете да додадете мед или стевиа.
Богатството на овој чај се крие, меѓу другото, и во хранливите состојки на зачините, кои се добри сојузници на здравјето:
Кардамонот содржи витамини Ц, Б6, тиамин, рибофлавин, ниацин и минерали калциум, магнезиум, фосфор, железо, цинк, бакар и манган. Циметот е богат со антиоксиданти и има антиинфламаторни својства.
Каранфилчето го подобрува варењето, помага при инфекции на дишните патишта, ја ублажува забоболката, ги уништува паразитите и бактериите, делува како афродизијак.
Ѓумбирот се бори против мачнините, влијае на варењето, содржи соединенија на џинџерол, кои имаат антиинфламаторно, аналгетско, антиканцерогено и антипиретичко дејство.
Црниот пипер содржи активно соединение пиперин, кое помага при отечени зглобови, го потиснува воспалението на дишните патишта предизвикано од астма и сезонски алергии и го поддржува здравјето на црниот дроб.
Мускатното оревче се поврзува со силно антибактериско дејство и позитивно делува на централниот нервен систем преку намалување на заморот и стресот.
Рецепт за Masala chai
Состојки (за 2 шолји):
1 чаша вода (250 мл)
1 чаша млеко (250 мл)
2 лажички црн чај (или 2 кесички црн чај)
1-2 лажици шеќер (или по вкус; можете да користите и мед)
Зачини:
4-5 мешунки од кардамон (здробени)
1 стапче цимет (околу 5 цм)
2-3 каранфилчиња
1-2 парчиња свеж ѓумбир (или 1/2 лажичка сушен ѓумбир во прав)
5-6 зрна црн пипер (лесно здробени)
1/4 лажичка морско оревче (по избор)
Подготовка:
1. Во тенџерето се става вода и се додаваат мелените зачини (кардамон, цимет, каранфилче, црн пипер, ѓумбир и морско оревче).
Гответе на средна топлина додека водата не зоврие и зачините не го ослободат својот мирис (околу 2-3 минути).
2. Кога водата ќе почне да врие, додадете црн чај.
Намалете ја топлината и варете уште 2-3 минути за чајот да ја впие аромата на зачините.
3. Потоа додадете млеко и шеќер. Промешајте и варете на тивок оган уште 3-5 минути.
Внимавајте млекото да не претече.
4. Процедете го чајот низ ситна цедалка за да ги отстраните зачините и листовите од чајот.
5. Се сервира топло во шолји. Доколку сакате, можете да додадете малку повеќе шеќер или повеќе млеко по вкус и да уживате во топлиот и ароматичен Masala chai.