Чипсот и кексите го стареат вашиот мозок и го зголемуваат ризикот од мозочен удар или деменција, покажа истражувањето.
Истражувачите од Општата болница во Масачусетс откриле дека луѓето кои јадат повеќе
преработена храна се изложени на поголем ризик од сериозни здравствени проблеми во средната
возраст и староста.
Тие имале девет отсто поголеми шанси да доживеат мозочен удар и 16 отсто поголеми шанси да
страдаат од когнитивно оштетување, влошување на мозокот што може да доведе до деменција.
Тоа придонесува за доказите дека зашеќерените закуски и готови оброци се поврзани со полошо
здравје, со дијабетес тип 2, рак и срцеви заболувања.
Авторот на студијата, др. В. Тејлор Кимберли вели: „Здравата исхрана е важна за одржување на
здравјето на мозокот кај постарите возрасни лица. Откривме дека зголемената потрошувачка на
ултра-обработена храна е поврзана со поголем ризик од мозочен удар и когнитивно оштетување“.
Студијата ги анализирала медицинските досиеја и дневниците за исхрана на 30.000 луѓе на возраст
над 45 години. Повисоки стапки на мозочен удар и когнитивно оштетување биле откриени кај луѓе
кои имале преработена храна во нивната исхрана.
Когнитивното оштетување е местото каде што меморијата и мисловните вештини почнуваат да
бледнеат повеќе од очекуваното со возраста и често доведува до деменција.
Диететските ризици вклучуваат газирани пијалаци, чипс, чоколатца, кекси, сладолед и друга
спакувана готова храна.
Ултра-обработената храна содржи многу додаден шеќер, масти и сол, а малку протеини и влакна.
Тоа е обично храна која има наведени повеќе од пет состојки, а ако не ја препознаете состојката
или состојките, храната најверојатно е преработена.
Примерите вклучуваат шунка, колбаси, хамбургери, сладолед, чипс, масовно произведен леб,
житарки за појадок, конзервиран печен грав, кекси, газирани сокови, јогурти со вкус на овошје,
инстант супи и некои алкохолни пијалаци како рум.