Природна детоксикација на цревата со семки од тиква

Вашето варење е забавено, чувствувате надуеност и страдате од грчеви, дури и болки во стомакот?

Можно е да имате паразити или вашиот дигестивен систем е едноставно преоптоварен со токсини.

Дали знаевте дека во рок од 7 дена, со само неколку домашни состојки, можете ефикасно да ги исчистите цревата од паразити и да ги елиминирате надуеноста и стомачните болки? Пробајте го моќниот напиток од семки од тиква, куркума, ѓумбир и мед! За ефект на детоксикација, доволно е да пиете само половина шолја секој ден во текот на една недела.

Бидејќи содржи сирови семки од тиква и мед, овој напиток е одличен и за кожата и има антиинфламаторно дејство.

Иако често се зборува за семките од тиква како природен лек за зголемена простата, тие се многу повеќе од тоа.

Одлични се и за цревата бидејќи ги чистат од паразити и ја поттикнуваат цревната перисталтика.

Но, тоа е само дел од нивните придобивки за кои дефинитивно треба да знаете.

Придобивките од семките од тиква

Традиционално, семките од тиква се земале во форма на прав или од нив се правел чај.

Од дамнешно време е познато и нивното антипаразитско дејство – овие семки одлично го чистат дигестивниот систем од паразити, како и од отпадни материи и токсини.

Инфекциите со паразити воопшто не се безопасни – ја спречуваат добрата апсорпција на хранливите материи и на тој начин го ослабуваат целиот организам.

Семките од тиква, меѓу другото, содржат и кукурбитацин, специјална супстанца која го напаѓа нервниот систем на паразитите и го поттикнува нивното исфрлање од дигестивниот систем.

Истражувањата покажаа дека тие се особено ефикасни во елиминирање на тенија.

Освен кукурбитацин, семките од тиква содржат и витамини А, Б (тиамин, фолати, пиридоксин, ниацин) и К, како и калиум и фосфор.

Тие исто така можат да се пофалат со висока содржина на омега-3 масни киселини и магнезиум, кои се одлични за срцето и цинк, кој одлично го поддржува имунитетот и здравјето на тироидната жлезда.

Благодарение на пребиотските влакна, тие го поддржуваат растот на добрите бактерии и на тој начин го подобруваат здравјето на цревната микрофлора.

Освен што го стимулираат метаболизмот, семките од тиква се препорачуваат и за оние кои боледуваат од дијабетес бидејќи го регулираат нивото на шеќер во крвта.

Со оглед на тоа што содржат и триптофан, семките од тиква ќе ви го подобрат и сонот.

Напиток за детоксикација од семки од тиква

Состојки:

120 гр семки од тиква
¼ лажичка куркума
¼ лажичка ѓумбир во прав
1 лажица мед (по можност сиров, од локален медар)
прстофат црн пипер
750 мл вода

Приготвување:

Потопете ги семките од тиква во вода од вечер и оставете ги да отстојат до утрото.

Наутро се цеди и се става во блендер или сецко.

Додадете куркума, ѓумбир, мед, црн пипер и вода и мешајте додека сè не се исецка ситно и додека не се соедини.

Потоа процедете го пијалокот преку цедалка или газа.

Пијте половина чаша од овој напиток за детоксикација секој ден во текот на седум дена. Остатокот од смесата можете да го додадете во гранола или во колачи.

Други состојки од напитокот за детоксикација

Ѓумбирот често е суштинска состојка во пијалаците за детоксикација, вклучувајќи го и овој.

Овој егзотичен зачин го стимулира чистењето на телото, особено на цревата и црниот дроб, од насобраните токсини преку стимулирање на варењето, циркулацијата и потењето.

Заедно со ѓумбирот, куркумата исто така има многу корисен ефект врз здравјето на цревата.

Нејзината активна состојка куркумин го поддржува варењето преку стимулирање на релаксација на мазните мускули во цревата, што дополнително го олеснува минувањето на храната низ дигестивниот систем. Куркумата ја намалува и надуеноста и гасовите.

Во овој напиток во куркумата се додава и црн пипер, кој освен што ја подобрува апсорпцијата на куркуминот, поттикнува и детоксикација на цревата и на целиот дигестивен систем.

Внимавајте на исхраната и хидратацијата

За да му помогнете на телото да биде чисто од токсини, променете ја исхраната – консумирајте локално и сезонско овошје и зеленчук, особено оние богати со хлорофил.

Пијте колку што е можно повеќе чиста вода и свежо цедени сокови.